ඉන්දීය විදේශ ඇමති එස්. ජයිශංකර් දිවයිනට

ඉන්දීය විදේශ කටයුතු අමාත්‍ය ආචාර්ය එස්. ජයිශංකර් මහතා අද (22) නිල සංචාරයක් සඳහා ශ්‍රී ලංකාවට පැමිණ තිබේ.

ඉන්දීය විදේශ කටයුතු අමාත්‍යාංශය නිකුත් කළ නිවේදනයකට අනුව, අග්‍රාමාත්‍ය නරේන්ද්‍ර මෝදි මහතාගේ විශේෂ නියෝජිතයෙකු ලෙස ජයිශංකර් මහතා මෙම සංචාරය සිදු කරයි.

සංචාරය තුළදී ඔහු ජනාධිපති අනුර කුමාර දිසානායක මහතා, අග්‍රාමාත්‍ය ආචාර්ය හරිනි අමරසූරිය මහත්මිය ඇතුළු රජයේ ඉහළ පෙළේ නායකයන් සමඟ ද්විපාර්ශ්වික සාකච්ඡා පැවැත්වීමට නියමිතය.

එන්නත් මරණ දෙකක් - දැඩි ආන්දෝලනයෙන් සජිත්ගෙන් රජයට දැඩි ඉල්ලීමක්

මෙම සංචාරයේ ප්‍රධාන අරමුණ වන්නේ මෑතකදී 'දිට්වා' සුළි කුණාටුවෙන් බලපෑමට ලක් වූ ශ්‍රී ලංකාවට ඉන්දියාවේ සහාය සහ සහයෝගය තවදුරටත් තහවුරු කිරීම බව වාර්තා වේ. ඉන්දියාව දැනටමත් සුළි කුණාටු ආපදා සහන සඳහා සැලකිය යුතු ආධාර ලබාදී ඇති අතර, මෙම සංචාරයෙන් එම සහයෝගීතාව තවදුරටත් ශක්තිමත් කෙරෙනු ඇත.

දෙරට අතර ආර්ථික, ආරක්ෂක සහ කලාපීය සහයෝගය පිළිබඳවද මෙම සාකච්ඡාවලදී අවධානය යොමු විය හැකි බව දේශපාලන විශ්ලේෂකයෝ පෙන්වා දෙති.

ඉන්දීය විදේශ අමාත්‍යවරයාගේ මෙම සංචාරය ශ්‍රී ලංකා-ඉන්දියා සබඳතා තවදුරටත් ගැඹුරු කිරීමේ වැදගත් පියවරක් ලෙස සැලකේ.

ආපදා සහන අයවැය සංශෝධිත චක්‍රලේඛ නිකුත් කෙරේ