නායගිය නිවසේ පිලිස්සුණු මළසිරුරක් - භයානක හෙළිදරව්වක්

අද (23) දින නාය යෑමේ අවදානමක් හේතුවෙන් නිවැසියන් පිටව යෑම නිසා වසා දමා තිබුණු නිවෙසක් ගිනි ගෙන ඇතැයි අංකුඹුර පොලිසියට ලද පැමිණිල්ලකට අනුව සිදු කළ පරීක්ෂාවකදී එම නිවස තුළ තිබී පිළිස්සුණු මළ සිරුරක් හමුව තිබේ.

ඊයේ (23) පෙරවරු 11.00 ට පමණ අංකුඹුර ගල්කන්ද ප්‍රදේශයේ වසා දමා තිබුණු මෙම නිවෙස තුළ ගින්නක් හටගෙන තිබෙන බවට ප්‍රදේශවාසියකු පොලීසියට පැමිණිල්ලක් සිදු කර ඇත. ඒ අනුව පොලිස් කණ්ඩායමක් එහි ගොස් සිදු කළ පරීක්ෂාවේදී හඳුනාගත නොහැකි ආකාරයෙන් බරපතල ලෙස පිළිස්සී ගිය මළ සිරුර හමුව ඇත.

පාසල් නිවාඩුව වෙනස් වෙයි - පාසල් ආරම්භය මෙන්න

පසුගිය දිනවල පැවැති අධික වැසි තත්ත්වයත් සමඟ ඇතිවූ නාය යෑමේ අවදානම හේතුවෙන් මෙම නිවසේ හිමිකරු වන ඩබ්ලිව්.සී. සෙනවිරත්න යන අය පවුලේ අය සමඟ නිවසින් පිටව මීගමුවේ පදිංචි ඔහුගේ දියණියගේ නිවසට ගොස් තිබෙන බව පොලිස් පරීක්ෂණ මගින් හෙළි වී ඇත.

පොලිසිය වැඩිදුරටත් පවසන්නේ ගින්නෙන් නිවසටද දැඩි අලාභහානි සිදුව ඇති අතර මෙය ඝාතනයක්ද නැතහොත් සියදිවි නසා ගැනීමක් ද යන්න මෙතෙක් අනාවරණය වී නොමැති බවයි. සිද්ධිය සම්බන්ධයෙන් ප්‍රදේශවාසීන් කිහිප දෙනෙකුගෙන්ම පොලීසිය ප්‍රකාශ ලබාගෙනඇති අතර අංකුඹුර පොලීසිය සිද්ධිය සම්බන්ධයෙන් වැඩිදුර පරික්ෂණ පවත්වනු ඇත.

බැංකුවෙන් ණය ගත්තද? මහ බැංකුවෙන් සහනයක්