''තවත් දරාගන්න බෑ" සුපිරි ගායිකා අරියානා ග්‍රාන්ඩේ සංගීත ක්ෂේත්‍රයෙන් තාවකාලිකව ඉවත් වීමට තීරණය කරයි

ඇමරිකානු සුපිරි ගායිකා අරියානා ග්‍රාන්ඩේ සිය "Eternal Sunshine" ප්‍රසංග චාරිකාව ලබන මාසයේදී අවසන් කිරීමෙන් අනතුරුව, මහජන අවධානයෙන් තාවකාලිකව ඉවත් වීමට තීරණය කර ඇති බව ඇයගේ නියෝජිතයන් පවසයි.

33 හැවිරිදි ගායිකාවගේ නියෝජිතයෙකු People සඟරාවට ප්‍රකාශ කර ඇත්තේ, දිගින් දිගටම එල්ල වන මහජන විමර්ශන සහ පෞද්ගලික ජීවිතය පිළිබඳ අධික අවධානය හේතුවෙන්, චාරිකාව අවසන් වූ පසු ඇය විවේකයක් ගනිමින් මහජන අවධානයෙන් මදක් ඈත්ව සිටීමට අපේක්ෂා කරන බවයි.

ඒ සමඟම, 2027 වසරේ ලන්ඩනයේ Barbican රංග ශාලාවේ වේදිකාගත කිරීමට නියමිත ස්ටීවන් සොන්ඩ්හයිම්ගේ ජනප්‍රිය සංගීතමය වේදිකා නාට්‍යයක් වන "Sunday in the Park with George" හි නව නිෂ්පාදනයෙන් ද ඇය ඉවත් වී තිබේ.

එම නිෂ්පාදනය භාර Empire Street Productions සමාගම තහවුරු කළේ, ග්‍රාන්ඩේගේ තීරණය පිළිබඳ ඔවුන්ට පූර්ණ අවබෝධයක් ඇති බවත්, ඇයගේ තීරණයට පූර්ණ සහාය පළ කරන බවත්ය. එම නිෂ්පාදනය ඇය නොමැතිව සැලසුම් කළ පරිදි ඉදිරියට ගෙන යන බව ද සමාගම සඳහන් කළේය.

Mr. කොත්තු අවසන් දවස් 14- Mr. කොත්තු හිමිකරු ඇත්තටම ලංකාවෙන් යනවද? වෙනස්ම හෙළිදරව්වක්

මෑත වසරවලදී ග්‍රාන්ඩේගේ ශාරීරික පෙනුම සහ සෞඛ්‍ය තත්ත්වය සම්බන්ධයෙන් සමාජ මාධ්‍ය සහ විවිධ වේදිකාවල අනුමාන සහ විවේචන රැසක් මතුව තිබුණි.

එම කතාබහ නැවතත් උත්සන්න වූයේ දින කිහිපයකට පෙර නිකුත් කළ ඇයගේ නවතම ඇල්බමය "Petal" සහ එහි ප්‍රධාන ගීතය සඳහා නිර්මාණය කළ සංගීත වීඩියෝව නිකුත් වීමෙන් අනතුරුවය

. එම වීඩියෝවේ ග්‍රාන්ඩේ නිරූපණය කරන්නේ නිරන්තර විවේචනවලට ලක්වන රංගන ශිල්පිනියකගේ චරිතයකි. ඇයට "ප්‍රමාණවත් තරම් හොඳ නැහැ", "තවත් වැඩ කළ යුතුයි" යනුවෙන් පවසන අයම පසුව "ඕනෑවට වඩා වෙනස් වෙලා" යනුවෙන් විවේචනය කරන ආකාරය එහි නිරූපණය කෙරේ.

වීඩියෝව අවසානයේ එම චරිතය විවේචකයන්ට සංකේතාත්මක ලෙස ප්‍රතිචාර දක්වන දර්ශනයක් ද ඇතුළත් වේ.

"Thank U, Next" සහ "7 Rings" වැනි අතිශය ජනප්‍රිය ගීත රැසක හිමිකාරිය වන ග්‍රාන්ඩේ, සිය ප්‍රසංග චාරිකාව සෞඛ්‍ය සම්පන්නව හා සාර්ථකව අවසන් කර, ඉන් අනතුරුව මහජන අවධානයෙන් සහ නිරන්තර විමර්ශනයෙන් ඈත්ව සුදුසු විවේකයක් ගැනීමට බලාපොරොත්තු වන බව ඇයගේ නියෝජිතයා වැඩිදුරටත් සඳහන් කළේය.

ඔහු අවධාරණය කළේ, ග්‍රාන්ඩේ සෑම රාත්‍රියකම ඉහළ ශාරීරික ශක්තියක් සහ විශාල කැපවීමක් අවශ්‍ය වන ප්‍රසංග ඉතා උසස් මට්ටමකින් ඉදිරිපත් කරමින් සිටින බවයි. "Eternal Sunshine" ප්‍රසංග චාරිකාවේ අවසන් ප්‍රසංගය ලබන සැප්තැම්බර් 1 වැනිදා ලන්ඩනයේදී පැවැත්වීමට නියමිතය.