App Store වෙතින් Telegram තාවකාලිකව ඉවත් කිරීමට ඇපල් සමාගම ගත් හදිසි තීරණයට හේතුව ළමා ලිංගික අපයෝජන අන්තර්ගතය ද?

ළමා ලිංගික අපයෝජන අන්තර්ගතය (CSAM) සම්බන්ධයෙන් එහි මාර්ගෝපදේශ උල්ලංඝනය කළ අන්තර්ගතයක් හඳුනාගැනීමෙන් අනතුරුව, ඇපල් සමාගම සඳුදා ටෙලිග්‍රෑම් පණිවිඩ යෙදුම සිය App Store වෙතින් තාවකාලිකව ඉවත් කළ බව නිවේදනය කළේය.

ඇපල් සමාගම පැවසුවේ අදාළ අන්තර්ගතය "ළමා ලිංගික අපයෝජන ද්‍රව්‍ය තහනම් කිරීම" සම්බන්ධ නීති උල්ලංඝනය කර ඇති බව සමාලෝචනයකදී අනාවරණය වූ බවයි.

සමාගමට අනුව, ටෙලිග්‍රෑම් සංවර්ධකයන් වහාම එම අන්තර්ගතය ඉවත් කර එය පළ කළ පරිශීලකයාගේ ගිණුම තහනම් කිරීමෙන් පසු, යෙදුම නැවත App Store වෙත එක් කර තිබේ.

මෙම සිදුවීම සම්බන්ධයෙන් ටෙලිග්‍රෑම් සමාගම X සමාජ මාධ්‍ය වේදිකාවේ විහිළු ස්වරූපයෙන් ප්‍රතිචාර දක්වමින්, "මගේ අභාවය පිළිබඳ වාර්තා බෙහෙවින් අතිශයෝක්තියට නංවා ඇත." යනුවෙන් සඳහන් කළේය.

රටම කතාවුන මර්වින්ගේ ලක්ෂ 6000 නඩුවට නම කියැවුණු රිතු ආකර්ෂා ඇත්තම කතාව කියන්න කට අරියි

මාර්ගෝපදේශ උල්ලංඝනය වූ ආකාරය පිළිබඳ වැඩිදුර විස්තර ඉල්ලා කළ විමසීම්වලට ඇපල් ප්‍රකාශකයෙකු ප්‍රතිචාර දක්වා නොමැති අතර, ටෙලිග්‍රෑම් සමාගමද මාධ්‍ය විමසීම්වලට මෙතෙක් පිළිතුරු ලබාදී නොමැත.