චිත්‍රපට ජවනිකා සැබෑවක් වෙයි - රසිකයින් හඬවමින් සුපිරි නළුවෙක් සඳහටම නික්ම යයි (VIDEO / PHOTOS)

ජනප්‍රිය කන්නාඩා නළුවෙකු වන පුනීත් රාජ්කුමාර් අභාවප්‍රාප්ත වී ඇති බව ඉන්දීය මාධ්‍ය වාර්තා කරනවා. මිය යන විට සුපිරි නළුවා 46 වැනි වියේ පසුවුණා.

හෘදයාබාධයක් හේතුවෙන් බැංගලෝරයේ පෞද්ගලික රෝහලකට ඇතුළත් කිරීමෙන් පසු අද පස්වරුවේ රාජ්කුමාර් සිය ජීවිතයට සමුදුන්නා.

ඔහු රෝහල්ගත වූ පුවත සැලවීමෙන් රසිකයින් බොහෝ පිරිසක් රෝහලෙන් පිටත රැස්ව සිටි බව ද සඳහන්. චිත්‍රපට 29ක රඟපෑ රාජ්කුමාර්, කන්නාඩ සිනමාවේ "සුපර් ස්ටාර්", එනම් "සුපිරි තරුව" නමිනුයි හඳුනා ගැනෙන්නේ.

1975 චෙන්නායි හි උපතා ලැබූ රාජ්කුමාර්ගේ චිත්‍රපට රසිකයින් බොහෝ සේ වැළඳගත් ඒවා වන අතර, විවිධ භාෂාවලින් ඒවා මුදාහැරුණා.