මහනුවරට විශේෂ ඡන්ද මධ්‍යස්ථානයක්

 මැතිවරණ කොමසාරිස් ජනරාල් සමන් ශ්‍රී රත්නායක මහතා පවසන්නේ දළදා වන්දනාව හේතුවෙන් ආරක්ෂක රාජකාරීවල නිරතව සිටින පොලිස් නිලධාරීන් සඳහා විශේෂ තැපැල් ඡන්ද සලකුණු කිරීමේ මධ්‍යස්ථානයක් ස්ථාපිත කිරීමට සැලසුම් කර ඇති බවයි.

වැඩිදුරටත් අදහස දැක්වූ කොමසාරිස්වරයා, 

"දළදා දැක්ම සමගම මේ වනවිට පොලිස් නිලධාරීන් 10,000කට ආසන්න පිරිසක් රාජකාරී සඳහා යොදවලා තියෙනවා. ඔවුන්ට අදාළව තැපැල් ඡන්ද සලකුණු කිරීම සිදුකරනු ලබනවා. මහනුවර උසස් බාලිකා විදුහලේ 24,25,28 සහ 29 යන දිනවල එම දළදා වන්දනාව සඳහා රාජකාරියට පැමිණි තැපැල් ඡන්ද හිමි පොලිස් නිලධාරීන්ගේ ඡන්ද සලකුණු කිරීම සිදුකරනු ලබනවා. ඒ සඳහා විශේෂ වැඩපිළිවෙලක් සකස් කරලා තියෙනවා සියලුම දිස්ත්‍රික්කවලින් පැමිණි නිලධාරීන්ට ඔවුන්ගේ ඡන්දය සලකුණු කිරීමට හැකියාව ලැබෙනවා. ඒ සම්බන්ධයෙන් අදාළ උපදෙස් පොලිස්පතිවරයාට සහ මහනුවර ජ්‍යෙෂ්ඨ පොලිස් අධිකාරීවරයා ඇතුළු අදාළ නිලධාරීන්ට අදාළ දැනුම්දීම් සිදුකර තිබෙනවා."

මෙවර පළාත් පාලන ආයතන ඡන්ද විමසීමට අදාළව තැපැලෙන් ඡන්දය ප්‍රකාශ කිරීම සඳහා අයදුම්කරුන් 648,495 දෙනෙකු සුදුසුකම් ලබා ඇති බව මැතිවරණ කොමිෂන් සභාව පවසන්නේ.

සහෝදර ප්‍රේමය පෙන්නන්න ගිය කොස්තාපල්ට වැඩ වැරදි

මැතිවරණ කොමසාරිස් ජනරාල් සමන් ශ්‍රී රත්නායක මහතා සඳහන් කළේ අදාළ සියලු අයදුම්කරුවන් සඳහා තැපැල් ඡන්ද පත්‍රිකා මේ වන විටත් නිකුත් කර ඇති බවයි.

මෙවර පළාත් පාලන ආයතන ඡන්ද විමසීමට අදාළව තැපැල් ඡන්ද සලකුණු කිරීම අප්‍රේල් මස 24, 25, 28 සහ 29 යන දිනවලදී සිදුකිරීමට නියමිතය.

මේ අතර මැතිවරණ නිරීක්ෂණ සංවිධාන සහ මැතිවරණ කොමිෂන් සභාව අතර සාකච්ඡාවක් ඊයේ (21) පස්වරුවේ පවත්වා තිබෙනවා.

පැෆ්රල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා සඳහන් කළේ පළාත් පාලන ආයතන ඡන්ද විමසීමේ නිරීක්ෂණ කටයුතු සම්බන්ධයෙන් මෙහිදී දීර්ඝ වශයෙන් සාකච්ඡා වූ බවය. 

ආණ්ඩුව පළාත් පාලන ඡන්දය දිනන්නේ නැහැ රනිල් කියයි