විභාග දෙපාර්තමේන්තුවෙන් විශේෂ නිවේදනයක් - උසස් පෙල සිසුන්ගේ හා ගුරුවරුන්ගේ අවදානයට

 විභාග දෙපාර්තමේන්තුව නිවේදනය කර ඇත්තේ 2026 අධ්‍යයන පොදු සහතික පත්‍ර උසස් පෙළ විභාගය අදාළ උපකාරක පන්ති පැවැත්වීම, විෂයානුබද්ධ දේශන, සම්මන්ත්‍රණ, වැඩමුළු පැවැත්වීම අගෝස්තු මස 04 වනදා මධ්‍යම රාත්‍රියෙන් අවසන් කළ යුතු බවයි.

මෙම තහනම උසස් පෙල විභාග කටයුතු අවසන් වනතුරු බලපැවත්වෙනු අතර එම කාලයේදී උසස් පෙළ විභාගය සඳහා අනුමාන ප්‍රශ්න ඇතුළත් ප්‍රශ්න පත්‍ර මුද්‍රණය කිරීම සහ ඒවා බෙදාහැරීම සිදු නොකළ යුතු බවද නිවේදනය කර ඇත.

ඇමරිකාවට යන්න හිටපු අයට නරක ආරංචියක් - රටවල් 50ක වීසා බැඳුම්කරයට අලුත් නීති

වැඩිදුරටත් එම නිවේදනයේ සඳහන් වෙන්නේ විභාග ප්‍රශ්න පත්‍රවලට ප්‍රශ්න ලබාදෙන බවට හෝ ඒ හා සමාන ප්‍රශ්න ලබා දෙන බවට පෝස්ටර්, බැනර් අත්පත්‍රිකා විද්‍යුත් හෝ මුද්‍රිත මාධ්‍ය මගින් ප්‍රසිද්ධි කිරීම හෝ එවැනි දෑ ළඟ තබා ගැනීම සපුරා තහනම් බවයි.

2026 අධ්‍යයන පොදු සහතික පත්‍ර උසස් පෙළ විභාගය 2026 අගෝස්තු 10 වෙනිදා සිට සැප්තැම්බර් 05 වෙනිදා දක්වා මධ්‍යස්ථාන 2532ක පැවැත්වීමට නියමිතව තිබේ.