අහස පොළොව නුහුලන අපරාධයක් - වයස 84ක් වූ සැමියා අවුරුදු 79ක් වූ බිරිදව පන පිටින්ම මරයි

අගලවත්ත, දෙල්පාවත්ත ප්‍රදේශයේදී ඊයේ (01) උදෑසන සිදුවූ, සැමියෙකු විසින් සිදුකළ පහරදීමක් හේතුවෙන් ඔහුගේ බිරිඳ ජීවිතක්ෂයට පත්ව ඇති බව පොලීසිය පවසයි.

මෙම ඝාතනයෙන් මියගොස් ඇත්තේ වයස අවුරුදු 79ක් වූ දෙල්පාවත්ත, මහගම ප්‍රදේශයේ පදිංචිකාරියක් බවට හඳුනාගෙන ඇත.

පොලීසිය සඳහන් කළේ, සැමියා හා බිරිඳ අතර ඇතිවූ ආරවුලක් දුරදිග යාමෙන් පසු, සැකකරු විසින් දොර පොල්ලක් භාවිතා කර බිරිඳට පහරදී මෙම අපරාධය සිදුකර ඇති බවයි.

සිද්ධියෙන් බරපතළ තුවාල ලබා සිටි කාන්තාව අසල්වාසීන් විසින් රෝහල්ගත කිරීමට උත්සාහ කළ ද, ඇය ඒ වනවිටත් මියගොස් සිට ඇති බව පොලීසිය වැඩිදුරටත් අනාවරණය කරයි.

මාව හොඳටම රැවැට්ටුවා මට බැලුවෙ නෑ - සමසිරි සැමියා ගැන කියන්න සංජානා නැවතත් කට අරියි

පශ්චාත් මරණ පරීක්ෂණය සිදු කිරීමෙන් අනතුරුව මෘත ශරීරය ඥාතීන් වෙත භාර දී ඇති අතර, එම වාර්තාව අනුව මරණයට හේතුව බරපතළ පහරදීමෙන් සිදුවූ තුවාල බව සඳහන් වේ.

මෙම සිද්ධිය සම්බන්ධයෙන් වයස අවුරුදු 84ක් වන සැකකාර සැමියා අත්අඩංගුවට ගෙන ඇති අතර, ඔහු අධිකරණයට ඉදිරිපත් කිරීමට නියමිතය.

අගලවත්ත පොලීසිය විසින් මෙම සිද්ධිය සම්බන්ධයෙන් වැඩිදුර විමර්ශන සිදුකරමින් පවතින අතර, ගෘහස්ථ ප්‍රචණ්ඩත්වය හේතුවෙන් සිදුවන මෙවන් කණගාටුදායක මරණ සමාජය තුළ තවදුරටත් අවධානයට ලක්විය යුතු බවද පොලීසිය පෙන්වා දෙයි.

2026 පාසල් වාරය සමඟින් දිවයිනේ සියලුම පාසල්වලට විශේෂ නිවේදනයක්