පාසල් ගිය සිසුන් තිදෙනෙක් අතුරුදහන් - (PHOTOS)

නල්ලතන්නිය පොලිසියේ ස්ථානධිපති ප්‍රධාන පොලිස් පරික්ෂක ඊ.ඒ.පි.එස්.වීරසේකර මහතා පැවසුවේ, පාසල් ගිය සිසුන් තිදෙනෙකු (26) දින සිට අතුරුදහන් වි ඇති බවට එම සිසුන්ගේ දෙමව්පියන් විසින් පොලිසිය වෙත පැමිණිලි කර ඇති බවයි.

පොලිස් ස්ථානාධිපතිවරයා කියා සිටියේ, නල්ලතන්නිය පොලිස් වසමට අයත් ලක්ෂපාන වාලමලෙයි වතුයායේ පදිංචි අවු 13,14,15 යන වයස් කාණ්ඩ වල පසුවන එම සිසුන් තිදෙනා මිතුරන් බවත්, එම සිසුන් තිදෙනා එම වතුයායේ පිහිටි දමිල මහා විද්‍යාලයේ 8 ,9,10 යන පන්තිවල අධ්‍යාපනය ලබමින් සිටි සිසුන් තිදෙනෙක් බවයි.

එම සිසුන් තිදෙනා පදිංචි වතු නිවාස පෙලට ඉහල කදු මුදුණේ සිට ජලය ලබා ගන්නා ජල නලයක් කඩා දැමිම සම්බන්ධයෙන් දෙමව්පියන් විසින් එම සිසුන් තිදෙනාට බැන වැදිමෙන් පසු එම පාසල් සිසුන් තිදෙනා (26) දින පාසල් යන බවට පවසා පාසලට නොගොස් නිවසෙන් අතුරුදහන් වි ඇති බවත්, පොලිසියට ලද පැමිණිල්ල මත සිදු කරන ලද විමර්ෂණයකදි (26) දින පස්වරුවේ එම පාසල් සිසුන් තිදෙනා නල්ලතන්නිය නගරයේ පිහිටි ආපනශාලාවකින් ආහාර ගෙන එම ආපනශාලාවෙන් පිටවන අයුරු ආපනශාලාවේ ආරක්ෂිත කැමරාවේ සටහන් වි තිබු බව ස්ථානාධිපතිවරයා පැවසිය.

අතුරුදහන් වි ඇති පාසල් සිසුන් තිදෙනා සොයා නල්ලතන්නිය ප්‍රදේශය පුරා එම වතුයායේ වතු කම්කරුවන් සහ පොලිසිය එක්ව මෙහෙයුමක් දියත් කර ඇති බවත්, පාසල් සිසුන් තිදෙනා දෙමව්පියන්ට බිය වි සැග වි ඇති බවට සැකකරන බවයි නල්ලතන්නිය පොලිසියේ ස්ථානාධිපතිවරයා කියා සිටියේ.