රසායනික කම්හලක පිපිරීමක් – ජීවිත 12ක් නිමාවට

ඉන්දියාවේ තෙලංගානා ප්‍රාන්තයේ, හයිද්‍රාබාද් නුවරට ආසන්නව පිහිටි පෂමිලාරම් කාර්මික ප්‍රදේශයේ සිගාචි රසායනික කම්හලක ඊයේ (30) උදෑසන 9:00ට පමණ සිදුවූ දරුණු පිපිරීමකින් සේවකයින් 12 දෙනෙකු ජීවිතක්ෂයට පත්ව ඇති බව ඉන්දීය මාධ්‍ය වාර්තා කරයි.

පිපිරීමත් සමඟ ඇති වූ විශාල ගිනි ජාලාවක් කම්හලේ ගොඩනැගිලි හා අවට ප්‍රදේශවලට ව්‍යාප්ත වී ඇති අතර, එහි බලපෑමෙන් තුන්මහල් නිෂ්පාදන ඒකකයක් බිඳවැටී ගොස් ඇත. මෙම පිපිරීමෙන් සේවකයින් උඩු යටිකුරු වී මීටර් ගණනාවක් ඈතට විසිවී ඇති බව එම ස්ථානයේ සිටි සාක්ෂිකරුවන් පවසයි.

ගුවන් යානයක් පාලනයෙන් ඉවතට – මගීන් 242..

අනතුර සිදුවූ වහාම හයිද්‍රාබාද් හා සංගාරෙඩ්ඩි ගිනි නිවන ඒකකවලින් ගිනි නිවන රථ 11ක් සහ ජාතික ආපදා ප්‍රතිචාර බලකාය (NDRF), තෙලංගානා රාජ්‍ය ආපදා ප්‍රතිචාර බලකාය (SDRF) ඇතුළු බලධාරීන් ස්ථානයට පැමිණ ගින්න පාලනය කිරීමටත්, ගොඩනැගිලි කඩාවැටීමෙන් සුන්බුන් යට සිරවූවන් බේරා ගැනීමටත් කටයුතු කර ඇත. තුවාලකරුවන් කඩිනමින් රජයේ හා පෞද්ගලික රෝහල්වලට ඇතුළත් කර ඇති අතර, ඉන් 12 දෙනෙකුගේ තත්ත්වය බරපතළ බව වාර්තා වේ.

අද ලග්න පලාපල – 2025 ජූලි 01 | අලුත් ආරම්භයක්! - අද ලග්න පලාපල කියන ඔබේ දිවියෙම වෙනස

මෙම අනතුරින් බිහාර්, ඔඩිෂා, උත්තර් ප්‍රදේශ් ඇතුළු ප්‍රාන්තවලින් පැමිණි සංක්‍රමණික සේවකයින් බහුතරයක් බලපෑමට ලක්ව ඇති බවත්, අනතුර සිදුවන විට කම්හල තුළ සේවකයින් 66 දෙනෙකු සිටි බවත් වාර්තා වේ. අනතුරට හේතුව තවමත් නිශ්චිතව හඳුනාගෙන නැති නමුත්, රසායනික රියැක්ටරයක ඇතිවූ අධික පීඩනයක් හෝ වායු වියෝගන යන්ත්‍රයක (air dryer system) ගැටලුවක් හේතුවෙන් පිපිරීම සිදුවන්නට ඇතැයි බලධාරීහු සැක කරති.

හිටපු ඇමති ගාමිණී ලොකුගේ මහතා අභාවප්‍රාප්ත වෙයි

තෙලංගානා රජයේ සෞඛ්‍ය ඇමැති දමෝදර් රාජා නරසිංහා සහ කම්කරු ඇමැති ජී. විවේක් සිද්ධිය සිදුවූ ස්ථානයට පැමිණ බලපෑමට ලක්වූවන්ට ආධාර ලබාදීම හා ගලවාගැනීමේ මෙහෙයුම් අධීක්ෂණය කර ඇත. තෙලංගානා මහ ඇමැති ඒ. රේවන්ත් රෙඩ්ඩි සහ ආණ්ඩුකාර ජිෂ්නු දේව් වර්මා මෙම අනතුර පිළිබඳව බලවත් කම්පනයට පත්ව ඇති අතර, මියගියවුන්ගේ පවුල්වලට ශෝකය පළ කරමින්, තුවාලකරුවන්ට හොඳම වෛද්‍ය ප්‍රතිකාර ලබාදීමට උපදෙස් දී ඇත. ඉන්දීය අග්‍රාමාත්‍ය නරේන්ද්‍ර මෝදි මෙම අනතුර පිළිබඳව ශෝකය පළ කරමින්, මියගියවුන්ගේ පවුල්වලට රුපියල් 200,000 බැගින් මූල්‍ය ආධාර පිරිනැමීමට පොරොන්දු වී ඇත.

මුතුගල සර් මේ වගේ කෙනෙක්ද ? අපි හිතන් හිටියා වැරදියි රු.මිලියනයක් ?

බලධාරීන් විසින් අනතුරට හේතුව සොයා ගැනීම සඳහා විමර්ශනයක් ආරම්භ කර ඇති අතර, කම්හලේ ආරක්ෂණ ප්‍රමිතීන්හි ලුහුඬුකම් හඳුනාගත හොත් දැඩි ක්‍රියාමාර්ග ගන්නා බව තෙලංගානා රජය පවසයි. මෙම සිදුවීම, ඉන්දියාවේ රසායනික කර්මාන්තවල ආරක්ෂණ ප්‍රමිතීන් පිළිබඳ නැවතත් අවධානය යොමු කර ඇති අතර, විශේෂයෙන් 1984 භෝපාල් ආපදාවෙන් පසුව මෙවැනි සිදුවීම්වල බරපතළ බව පිළිබඳව සමාජයේ කතිකාවක් ඇතිව තිබේ.