චීන රජය මැදිහත් වෙලා දෙන සුපිරි නිවාස.. සිහිනය මල් ඵල ගැන්වෙයි.. ලැබෙන පිරිස මෙන්න..

අද (27), අඩු ආදායම්ලාභී පවුල්වල ජීවන තත්වය නගා සිටුවීමේ අරමුණින් නිවාස ඉදිකිරීමේ සමාරම්භක වැඩසටහන ආරම්භ විය.

මෙය චීන රජයේ චීන යුවාන් මිලියන 552ක (රුපියල් බිලියන 22) මූල්‍ය ආධාර යටතේ ඉදි කෙරේ.

ඒ, මොරටුව රාවතාවත්තේ දී ය.

එහි ප්‍රධාන ආරාධිතයා ලෙස හරිනි අමරසූරිය මෙනෙවිය එක්ව සිටි බව නාගරික සංවර්ධන, ඉදිකිරීම් සහ නිවාස අමාත්‍යංශය සඳහන් කළේ ය.

වහා ජනවාරි 1 වෙනිදා සිට වෙන තහනම.. දරුවන් ගැන සිතා.. නව රජය ගත් විශේෂ තීරණය මෙන්න..

ශ්‍රී ලංකාවේ චීන තානාපති කිව් සෙන් හොන්, සමග එහි නියෝජිතයින්ද, නාගරික සංවර්ධන, ඉදිකිරීම් සහ නිවාස අමාත්‍ය අනුර කරුණාතිලක, නිවාස නියෝජ්‍ය අමාත්‍ය ටී. බී සරත්, අමාත්‍යාංශ ලේකම් රංජිත් වීරරත්න සහ නාගරික සංවර්ධන අධිකාරියේ සභාපති එල්. වී. කුමුදුලාල් යන මහත්වරුන් ද එම අවස්ථාවට එක්ව සිට ඇත.

මෙම ව්‍යාපෘතිය යටතේ, නිවාස 1,888ක් හා ප්‍රවීණ කලාකරුවන් සඳහා නිවාස 108ක් ඉදිකෙරෙනු ඇත.

නව රජයෙන් ශවේන්ද්‍රට මොකද වෙන්නේ?. ලැබුණ ආරංචිය මෙන්න..

එහි පළමුවන අදියර ලෙස මොරටුව ව්‍යපෘතියේ නිවාස 575ක් සහ කොට්ටාව ප්‍රවීණ කලාකරුවන් වෙනුවෙන් ඉදිවන නිවාස 108 ක් ඉදිකිරීමට සැලැසුම් කර ඇති බව සඳහන් වේ.

මොරටුව හා කොට්ටාව නිවාස ව්‍යාපෘති දෙකේ ඉදිකිරීම් සමාගම ලෙස කටයුතු කරන්නේ චයිනා රේල්වේ විසිපස්වන කාර්යංශයි.

දෙවන අදියර ලෙස දෙමටගොඩ ව්‍යාපෘතියේ නිවාස 586ක් සහ මහරගම නිවාස ව්‍යාපෘතියේ නිවාස 112ක් ඉදිකිරීම චයිනා හාබර් ඉංජිනේරු සමාගම (Chaina Harbor Engineering Company) වෙත පැවරී තිබෙනවා.

මෙහි තුන්වන අදියර ලෙස පෑලියගොඩ ව්‍යාපෘතියේ නිවාස 615ක් ඉදිකිරීම සන්ක්ෂි ඉදිකිරීම් ආයෝජන සමාගම (Shanxi Construction Investment Group) විසින් සිදු කිරීමට නියමිතයි.

ස්ථාන 5කදී ආරම්භ වන මෙම නිවාස ව්‍යාපෘති මාස 36 කින් සාදා නිම කිරීමට සැලසුම් කර ඇති බව සඳහන් වේ.

කෙසේ වෙතත්, නාගරික සංවර්ධන, ඉදිකිරීම් සහ නිවාස අමාත්‍යාංශය වෙනුවෙන් නාගරික සංවර්ධන අධිකාරිය මෙම නිවාස ව්‍යාපෘතිවල අධීක්ෂණ කටයුතු සිදු කරනු ලබයි.

You May Like This Video👇 

.