ඇමති වසන්ත සමරසිංහ කැබිනට්ටුවෙන් දොට්ට..

කැබිනට් මණ්ඩලයේ සාමූහික වගකීම උල්ලංඝනය කිරීම හේතුවෙන් අමාත්‍ය වසන්ත සමරසිංහ මහතා කැබිනට් මණ්ඩලයෙන් ඉවත් කළ යුතු බව එක්සත් ජාතික පක්ෂයේ ජ්‍යෙෂ්ඨ සාමාජික නවීන් දිසානායක මහතා ඊයේ(13) පැවසීය.

ඔහු සඳහන් කළේ, ශ්‍රේෂ්ඨාධිකරණය පිළිබඳ ප්‍රකාශ කරමින් අමාත්‍ය සමරසිංහ, අගමැතිනි හරිනි අමරසූරිය මහත්මියට අභියෝග කර ඇති බවයි.

“පිටතදී මේ ගැන කතා කරනවා වෙනුවට, කැබිනට් මණ්ඩලය තුළ මෙම කරුණ සාකච්ඡා කර අගමැතිනියගේ අදහස්වලට විරෝධය පළ කළ යුතුව තිබුණා,” යැයි ඔහු පැවසීය.

“ශ්‍රී ලංකාවේ දේශපාලන ඉතිහාසයේ කිසිදු කැබිනට් අමාත්‍යවරයෙකු මෙලෙස අගමැතිනියට ප්‍රසිද්ධියේ අභියෝග කර නැහැ. අද අමාත්‍යවරුන් ක්‍රියා කරන ආකාරයට කැබිනට් මණ්ඩලය කිසි විටෙකත් හැසිරී නැත,” යැයි නවීන් දිසානායක මහතා අවධාරණය කළේය.

අද ලග්න පලාපල - 2025 අගෝස්තු 14 : අද ඔබේ ලග්නයට සුභයම සුභ දවසක්

ඔහු තවදුරටත් පැවසුවේ,

“1980දී ජේ.ආර්. ජයවර්ධන රජය විසින් දිවංගත අගමැතිනි සිරිමාවෝ බණ්ඩාරනායක මහත්මියගේ සිවිල් අයිතිවාසිකම් අහෝසි කිරීමට ගත් තීරණයට මගේ පියා, දිවංගත අමාත්‍ය ගාමිණී දිසානායක මහතා සහ දිවංගත අමාත්‍ය ආනන්දතිස්ස ද අල්විස් මහතා විරුද්ධ වුණා. ඔවුන් කැබිනට් තුළ තම විරෝධය පළ කළා, නමුත් අද සිදුවන ආකාරයට ප්‍රසිද්ධියේ කිසිවක් ප්‍රකාශ කළේ නැහැ.”

“අමාත්‍ය සමරසිංහ කැබිනට් මණ්ඩලයෙන් ඉවත් කළ යුතුයි. ජනාධිපති අනුර කුමාර දිසානායක මහතා ඒ සඳහා සූදානම්ද යන්න මම නොදනිමි” යැයි ඔහු වැඩිදුරටත් සඳහන් කළේය. 

ගම්පහ ප්‍රදේශ කිහිපයකට පැය 10ක ජල කප්පාදුවක්

ආවේ අනුර ඇමති කාලේ කරපු ඉල්ලීමකටලු, වැඩ තහනම් කළේ විනිසුරු නඩුව ගැන දන්නේ නැතුවලු - බලශක්ති ඇමති