ඉන්ධන මිල රුපියල් 700 සීමාවට ඉහල යන්න තිබ්බේ - මාලිමා ආණ්ඩුවෙන් මිල පාලනය කරන ඉන්නේ - ඇමති නාමල්

නියෝජ්‍ය අමාත්‍ය නාමල් කරුණාරත්න මහතා පැවසුවේ වෙනත් පාලනයක් පැවතියේ නම් මෙරට ඉන්ධන මිල රුපියල් 700 සීමාව දක්වා ඉහළ යා හැකිව තිබූ බවත්, වත්මන් රජය පාඩු විඳිමින් සිදු කරන දැවැන්ත කැපකිරීම් හේතුවෙන් ඉන්ධන මිල පාලනය කර තබා ගැනීමට හැකි වී ඇති බවත්ය.

ඉදිරි අයවැය ලේඛනය මඟින් ජනතාව වෙත මීට පෙර නොවූ විරූ අන්දමේ සහන රැසක් ලබා දීමට රජය සූදානමින් සිටින බව අදහස් දක්වමින් නියෝජ්‍ය අමාත්‍යවරයා සඳහන් කළේය.

අද පැය 6ක විදුලිය විසන්ධි කිරීමක් - ප්‍රදේශ 4ක මහජනතාවට විශේෂ නිවේදනයක්

ජනතාව මත පැටවී ඇති ආර්ථික බර ලිහිල් කෙරෙන ප්‍රායෝගික යෝජනා රැසක් සමඟ මෙවර අයවැය ඉදිරිපත් කරන බව හෙතෙම පෙන්වා දුන්නේය.

රජය මහජනතාව වෙනුවෙන් සිදු කරන සහනාධාර මැදිහත්වීම් පිළිබඳව උදාහරණ දක්වමින් ඒ මහතා කියා සිටියේ, රුපියල් 17,000ක මුදලකට රජය මිලදී ගත් පොහොර මිටියක් ගොවි ජනතාව වෙත ලබා දුන්නේ රුපියල් 10,200ක සහනදායී මිලකට බවයි.

එවැනි දැවැන්ත මූල්‍ය කැපකිරීම් රැසක් සිදු කරමින්, රජය පාඩු විඳගෙන හෝ ජනතාවට සහන සැලසීමේ ප්‍රතිපත්තිය හේතුවෙන් ඉන්ධන මිල පවා පාලනය කරගනිමින් වත්මන් මට්ටමේ පවත්වාගෙන යාමට හැකි වී ඇති බව නියෝජ්‍ය අමාත්‍යවරයා වැඩිදුරටත් අවධාරණය කළේය.

ලංකා ඛනිජ තෙල් සංස්ථාවට රුපියල් බිලියන 28ක ලාභයක් - මෙන්න විස්තරේ