නිල නිවාසවලින් යන්න බෑ කිව්වට මම හිතන්නේ ඔක්කොටම රජයේ ගෙවල් තියෙනවා මේක ඇබ්බැහියක් - නලින්ද

කැබිනට් මාධ්‍ය ප්‍රකාශක, සෞඛ්‍ය හා ජනමාධ්‍ය ඇමැති වෛද්‍ය නලින්ද ජයතිස්ස මහතා විසින් තම නිල නිවසේ මාස දෙකක කාලයක් සිටීමට ඉඩ ලබාදෙන මෙන් ඉල්ලා හිටපු ජනාධිපතිනි චන්ද්‍රිකා කුමාරතුංග නිතීඥ සමාගමක් හරහා ලිපියක් එවා ඇති බවත්, ඇතැමුන් නිල නිවාසවලින් ඉවත් වූවද මෙතෙක් භාණ්ඩ බාරදී නැති බවත් පවසා ඇත.

ඔහු මේ බව සඳහන් කළේ රජයේ ප්‍රවෘත්ති දෙපාර්තමේන්තුවේ ඊයේ (16) දින පැවැති කැබිනට් තීරණ දැනුම්දීමේ මාධ්‍ය හමුවේදීයි.

චන්ද්‍රිකා වැටිලා - උකුල් අස්ථිය බිඳිලා සැත්කමකුත් කරලා නිල නිවසෙන් ඉවත් වෙන්න සති 3ක් ඉල්ලයි

ඒ අනුව මාධ්‍යවේදීන් ඇසූ ප්‍රශ්නවලට ඇමතිවරයා පිළිතුරු ලබා දී තිබුණේ මෙලෙසින්,

"මාධ්‍යවේදියා - හිටපු ජනාධිපතිවරුන්ගේ නිල නිවාසවලට මොකද කරන්නේ. හිටපු ජනාධිපති මහින්ද රාජපක්ෂ තංගල්ලේ පිහිටි සිය කාල්ටන් නිවසේ පදිංචියට ගියා. ඔබතුමා පසුගිය පෙබරවාරි මාසයේදී කිව්වා ඔහු සිටි විජේරාම නිල නිවසේ තක්සේරු කුලිය රුපියල් ලක්ෂ 46 ක් කියලා. එම මුදල ආණ්ඩුවට උපයා ගැනීමේ හැකියාවක් තිබෙනවාද.
ඇමැතිවරයා - මේ නිල නිවාස වල හිටපු සමහර අය 1994 වසරේ ඇමැති කෙනෙක් වෙලා එතැන් සිට ඉන්නවා රජයේ නිවාසයක. ඊට පස්සේ අගමැති වෙලා ඉන්නවා රජයේ නිවාසයක. ආයේ පොඩි කාලයකට විපක්ෂ නායක වෙලා ඉන්නවා රජයේ නිවාසයක. ජනාධිපති වෙලා ඉන්නවා රජයේ නිවාසයක. අවුරුදු 10 ක් ජනාධිපති වෙලා හිටපු ජනාධිපතිවරයා ලෙස රජයේ නිවාසයක ඉන්නවා. ඉතින් අවුරුදු 31 ක් රජයේ නිල නිවාසවල මේ ඉඳලා තියෙනවා. මේ නිවාසවලින් යන්න බෑ කියන්නේ මේ අයයි. මම හිතන්නේ මේ ඔක්කොටම රජයේ ගෙවල් තිබෙනවා. මේ අයගේ දරුවෝ, දරුවන්ගේ දරුවන් ඉපදිලා තියෙන්නෙත් මේ ගෙවල්වල. මේක ඇබ්බැහියක් වෙලා තියෙන්නේ. අපට ජනවරමක් දීලා තියෙන්නේ මේ දේශපාලන සංස්කෘතිය වෙනස් කරන්න. පොදු නීතිය අනුව වර්තමාන ජනාධිපතිවරයාටත් ඒ දේවල් අහිමි වෙනවා.

අපිට අපි වෙනුවෙන් කිසිම දෙයක් නැහැ - මහින්දගේ බාල පුතා හිත අවුලෙන්..

මාධ්‍යවේදියා - මේ නිවාසවලින් මුදල් උපයා ගන්නේ කෙසේද. සැලැස්මක් තිබෙනවාද.
ඇමැතිවරයා - රජය මෙම නිල නිවාස ආර්ථික ලෙස ඵලදායි කටයුතුවලට යොදා ගන්නේ කෙසේද යන්න සම්බන්ධව අවධානය යොමු කරනවා. දැනටමත් විශාල මුදලක් ගෙවන රාජ්‍ය ආයතන මේ දේපොළ භාවිතයට දෙන්න කියලා ඉල්ලා තිබෙනවා. අපි ඒ ගැන තීන්දුවක් තවම ගෙන නෑ. භාණ්ඩාගාරයට වාසියක් එන තීන්දුවකට යන්න සූදානම්."

ඔය ඔක්කොම පරම්පරාවෙන් ලැබිච්චා ඉතුරුවා හම්බ කරා කවුරුත් අපිව දන්නවා, කෝටි 27ක වත්කම් වසන්ත දිගාරියි