මම පුංචි කාලේ ඉදන්ම දැකපු එකම හීනිය නිලියක් වෙන එක, පාර දිගේ නිසා මගේ නිලි සිහිනය සැබෑ වුණා-තත්සරණි පියුමිකා (PHOTOS)
Sithumi
මේ දිනවල පුංචි තිරය ඔස්සේ විකාශනය වන පාර දිගේ, කියාදෙන්න ආදරේ තරම්, දිව්‍යාදරී වගේම ජානු කියන ටෙලි නිර්මාණ හතර හරහාම ප්‍රේක්ෂකයින් හමුවට එන දක්ෂ ජනප්‍රිය රංගන ශිල්පිනියක් තමයි තත්සරණි පියුමිකා කියලා කියන්නේ.
ඉතින් 2021 අයි.ටි.එන්. අවුරුදු කුමරිය තරගාවලියේ අවසන් දොළොස්දෙනා අතරට තේරී පත්වෙමින් උත්සාහයෙන් සහ කැපවීමෙන් රංගන සිහිනයද සැබෑ කරගත් ඇය පහුගිය දවසක පුවත්පතකාට ඇයගේ අලුත්ම තොරතුරු පවසලා තියෙනවා අපට දැකගන්න ලැබුණා.
ඉතින් ඇය උසස් පෙළ හදාරලා ඉවර වෙලා ඉන්දියන් කල්චර් සෙන්ටර් එකේ හින්දි ඩිප්ලෝමා පාඨමාලාවක් හදාරන අතරතුර තමයි ඇයට පාරදිගේ රඟපාන්න අවස්ථාව ලැබිලා තියෙන්නේ. කොහොම නමුත් ෂූටින් නිසා පාඨමාලාව අතරමග නතර කරන්න වුණා කියලයි ඇය කියන්නේ.
ඉතින් අප්‍රේල්වලින් පස්සේ පාඨමාලාව සම්පූර්ණ කරන්න හිතාගෙන ඉන්නවා කියලත් ඇය කියනවා. ඒ වගේම ඇය මීට කලින් රැකියාවක් කලත් රූගත කිරීම් එක්ක රැකියාව කරන්න බැරි නිසා රැකියාවෙනුත් ඉවත් වුණා කියලයි ඇය කියන්නේ.
