මුළු ලොවම බලා සිටි ආරංචිය - ට්‍රම්ප් ජාතිය අමතයි - ඉදිරි සති දෙකත් තුනත් අතර කාලය තුළ සියල්ල අවසන්

ඉරානයට එරෙහිව ඇමෙරිකා එක්සත් ජනපදය දියත් කර ඇති හමුදා ප්‍රහාර ඉදිරි සති දෙකත් තුනත් අතර කාලය තුළ අවසන් කිරීමට හැකියාව පවතින බවට ඇමෙරිකානු ජනාධිපති ඩොනල්ඩ් ට්‍රම්ප් ප්‍රකාශ කළ බව වාර්තා වේ.

ඒ අනුව ධවල මන්දිරයේදී මාධ්‍යවේදීන් අමතමින් ජනාධිපතිවරයා අවධාරණය කර ඇත්තේ, මෙම යුදමය තත්ත්වය සමනය කිරීමට ඉරානය අනිවාර්යයෙන්ම කිසියම් එකඟතාවකට හෝ ගිවිසුමකට පැමිණීම පූර්ව කොන්දේසියක් නොවන බවයි.

"අපි ඉතා ඉක්මනින් එතැනින් ඉවත් වෙනවා. එය සමහර විට සති දෙකක් හෝ තුනක් ඇතුළත සිදුවිය හැකියි," යනුවෙන් ට්‍රම්ප් පවසා ඇත.

ඇමෙරිකාව විසින් "Operation Epic Fury" වශයෙන් නම් කර ඇති මෙම යුද මෙහෙයුම අවසන් කිරීමට නම් ඉරානය සමඟ සාර්ථක රාජ්‍ය තාන්ත්‍රික එකඟතාවක් අවශ්‍යදැයි විමසූ විටදී, ජනාධිපතිවරයා කියා සිටියේ ඉරානය තමන් සමඟ ගිවිසුමකට එළඹීම අත්‍යවශ්‍ය නොවන බවයි.

යුද උණුසුම ගිනියම් කරමින් හූති කැරලිකරුවන්ගෙන් ඊශ්‍රායලයට දැඩි ප්‍රහාර - ලෝකෙටම වටින තවත් සමුද්‍ර සන්ධියක් වහන්න යයි

කෙසේ වුවද වොෂින්ටනය මීට පෙර පවසා තිබුණේ ඉරානය සිය යුරේනියම් නිස්සාරණය නතර කර, න්‍යෂ්ටික අවි නිපදවීමෙන් වැළකී හෝර්මුස් සමුද්‍ර සන්ධිය නැවත විවෘත කිරීමට එකඟ වන කරුණු 15කින් යුත් සටන් විරාම සැලැස්ම පිළි නොගතහොත් ප්‍රහාර දැඩි කරන බවටයි.

ඒ අතර දහස් ගණනකගේ ජීවිත බිලිගනිමින්, ගෝලීය බලශක්ති සැපයුමට බාධා පමුණුවමින් පස්වන සතියටත් ඇදී යන මෙම යුද්ධය අවසන් කිරීමට ජනාධිපති ට්‍රම්ප් ඉරානය සමඟ ගිවිසුමකට එළඹීමට සූදානම් බව ආරක්ෂක ලේකම් පීට් හෙග්සෙත් ඉකුත් අඟහරුවාදා පවසා තිබුණා.

මේ අතර ලොව දෛනික තෙල් සහ ස්වභාවික වායු සැපයුමෙන් පහෙන් එකක් ප්‍රවාහනය කෙරෙන හෝර්මුස් සමුද්‍ර සන්ධිය බලහත්කාරයෙන් හෝ විවෘත කිරීමට එක්සත් අරාබි එමීර් රාජ්‍යය ඇමෙරිකාවට සහාය වීමට සූදානම් වන බව වෝල් ස්ට්‍රීට් ජර්නල් පුවත්පත වාර්තා කර ඇත.

ඒ වෙනුවෙන් එක්සත් ජාතීන්ගේ ආරක්ෂක මණ්ඩලයේ යෝජනාවක් බලාපොරොත්තු වන එමීර් රාජ්‍යය, උපායමාර්ගික දූපත් කිහිපයක් අත්පත් කරගන්නා මෙන් ඇමෙරිකාවට යෝජනා කර ඇති බවද අඳාළ වාර්තාවල දැක්වේ.

ඉරානයේ ජ්‍යෙෂ්ඨ නායකයන් අතර දැඩි කළකිරීමක් සෙබළු හමුදාව හැර යයි - ලොවම බලා සිටි යුද්ධේ ඉදිරිය තීරණාත්මක‍යි

ඒ පිළිබඳව අදහස් දක්වමින් ඉරාන විදේශ අමාත්‍ය අබ්බාස් අරක්චි කියා ඇත්තේ ඇමෙරිකානු විශේෂ නියෝජිත ස්ටීව් විට්කොෆ්ගෙන් තමන් වෙත සෘජු පණිවිඩ ලැබුණද ඒවා කිසිසේත්ම "සාකච්ඡා" නොවන බවයි.

එසේම විවිධ පාර්ශ්වයන් හරහා ලැබෙන මෙම පණිවිඩවල තර්ජනය කිරීම් සහ අදහස් හුවමාරු කර ගැනීම් පමණක් අන්තර්ගත වන බවත් ඔහු වැඩිදුරටත් පවසා ඇත.

එමෙන්ම පවතින උණුසුම් තත්ත්වය හමුවේ ඉරාන විප්ලවීය ආරක්ෂක බලකාය නිවේදනය කර ඇත්තේ කලාපය තුළ පවතින ඇමෙරිකානු සමාගම් ඉලක්ක කර ගනිමින් අද සිට නව ප්‍රහාර දියත් කරන බවයි.

කෙසේ වෙතත් ගැටුම් සම්බන්ධයෙන් වැදගත් තොරතුරු ඇතුළත් විශේෂ ජාතිය ඇමතීමේ ප්‍රකාශයක් බදාදා රාත්‍රී 9ට (ඇමෙරිකානු වේලාවෙන්) ජනාධිපති ට්‍රම්ප් විසින් සිදු කිරීමට නියමිතව ඇති බව සඳහන්.

මැදපෙරදිග උණුසුම් කරමින් කටාර් වෙරළට ඔබ්බෙන් වූ තෙල් නෞකාවකට ප්‍රහාරයක්