හදවත් කම්පා කරමින් දිගු පෝලිම්වලින් සිදුවුණ සංවේදී මරණ - අද රට කොතනද තියෙන්නේ !

පසුගිය වසරේ මාර්තු මාසයට සාපේක්ෂව මෙම මාසයේ උද්ධමනය සියයට 25 ක පමණ අගයක් දක්වා වර්ධනය විය හැකි බව කොළඹ විශ්ව විද්‍යාලයේ ආර්ථික විද්‍යා අධ්‍යයන අංශයේ ජ්‍යෙෂ්ඨ කථිකාචාර්ය ආචාර්ය ප්‍රියංග දුනුසිංහ මහතා පවසනවා.

මේ මාසයේ(මාර්තු) ආහාර කාණ්ඩයේ උද්ධමනය සියයට 30ත් 35 ත් අතර දක්වා ඉහළ යනු ඇති බවයි ඔහු පුරෝකතනය කරන්නේ.පසුගිය පෙබරවාරි මාසයේ මෙරට උද්ධමනය සියයට 16.8 ක් දක්වා ඉහළ ගිය අතර එය ආසියානු කලාපයේ රටවල් අතරින් වැඩිම උද්ධමන අගය විදිහට වාර්තා වුණා.එවැනි මොහොතක මෙරට භාණ්ඩ මිල වැඩි වීම තවදුරටත් සිදු වේ.

භාණ්ඩ වැඩි වීම මෙන්ම සමහර භාණ්ඩ ආනයනය සීමා කිරීමට ද රජය තීරණය කර ඇත්තේ ලංකාවේ ඩොලර් හිගය නිසාවෙනී.එවැනි මොහොතක අසරණ දුප්පත් ජනතාව කබලෙන් ලිපටම අදගෙන වැටුණා යනුවෙන් සදහන් කළොත් නිවැරදි ය.

අද ජනතාව සිටින්නේ මහත් වූ පිඩනයකිනි.මහපාරේ අව්වට වැස්සට තෙමි තෙමී,බලන බලන තැන ඇත්තේ ඉන්ධන පෝලිම්,ගෑස් පෝලිම්,කිරිපිටි පෝලිම්,බෙහෙත් පෝලිම් ය.සමහර ආදරණීය මිනිස්සුන් උදේන්ම නොව මහ රෑම ගිහින් කුසට අහරක් නොමැතිව දිගු පෝලිම්වල නින්දක් නොමැතිව සිටියි.

එදා වේල කුලියක් මලියක් කරගෙන ජිවත් වන ජනතාවට අන්තිමට පෝලිම්වල සිට ලැබුණු දෙයකුත් නැත.‍රස්සාවත් නැත.සමහරුන්ට තම ජිවිතය පවා අහිමි විය.

ඉන් පළමුවෙනි මරණය වාර්තා වූයේ මහනුවර යටිනුවර විදියේ පැය පහකට ආසන්න වේලාවක් භූමිතෙල් පෝලිමක රැදි සිටි 71ක් හැවිරිදි පුද්ගලෙක් ය.

දෙවැනි මරණය වන්නේ කඩවත පෙට්‍රල් පෝලිමක දිගු වෙලාවක් රැදි සිටි 70 හැවිරිදි පුද්ගලයෙක් ය.ඒ අසනීප තත්ත්වයක් උත්සන්න වීමෙනී.

තුන්වන මරණය වාර්තා වන්නේ නිට්ටඹුව ප්‍රදේශයේ ඉන්ධන පෝලිමක ඇතිවූ ගැටුමක් හේතුවෙන් ය.ඒ තියුණු ආයුධයකින් එල්ල කරන ලද ප්‍රහාරයකින් 29 හැවිරිදි තරුණයෙක්ට දිවි අහිමි කරගෙනය.ප්‍රහාරය එල්ල කර ඇත්තේ ත්‍රීරෝද රථ රියැදුරෙකි.

එමෙන්ම හතර වන මරණය වාර්තා වූයේ මීරිගම නගරයේ ඉන්ධන පිරවුම් හලක් අසල පෝලිමේ සිට ඉන්ධන ලබාගෙන ආපසු යාමට සූදානම් වූ පුද්ගලයකු ඇද වැටී රෝහල්ගත කිරීමේ දී ය.ඒ ත්‍රී රෝද රථයකින් පැමිණි ඔහු පෝලිමේ සිට කෑන් තුනකට ඉන්ධන ලබාගෙන ඇති අතර අනතුරුව එම පුද්ගලයා කෑන් දෙකක් රැගෙන ගොස් ත්‍රිරෝද රථයෙහි තබා ඇත. තුන්වෙනි කෑන්එක රැගෙන යමින් සිටියදී ඔහු එක්වරම බිම ඇද වැටීමෙන් පසු ඒ අසල ආරක්ෂක රාජකාරි යෙදී සිටි පොලිස් නිලධාරීන් යුහුසුළුව මීරිගම මූලික රෝහලට ඇතුළත් කර ඇත.

දිගු පෝලිම් නිසාවෙන් දැනට හදවත් කම්පා කරමින් මරණ හතරක් වාර්තා වි ඇත.ජනතාව ඇත්තේ මානසික ආතතියෙන් ය.ඩොලර් ඩොලර් කියා බඩු මිල දවසින් දවස වැඩි වෙන විට කුසට අහරක් සොයා ගන්නේ කෙසේද.සමාජ මාධ්‍ය කළඹමින් එක් පියෙක් තම කුඩා දරුවන් උදේට අවදි වී අම්මේ කුක්කූ කියද්දි ලේ පිච්චෙනවා මහත්තයෝ කියා කියන වචන වලින්ම මෙන්ම එසේ ප්‍රසිද්දියේ නොකියන  කී දෙනෙක් නම් හදවතින් කම්පා වෙනවාද.

කුසට ආහරක් නෑ.වතුර ටිකක් නෑ.අව්වේ පිච්චි පිච්චි ඉන්න විට සමහර මිනිස්සුන් පෝලිම් පනිනවාට මරා ගන්නවා.එක් චීන කාන්තාවක් තම සුපිරි රියෙන් පෝලිම් පැන්නාය යනුවෙන් කියා එතන ගෝර පිටියක්.එතනින්ම සංචාරක කර්මාන්තය සුන්‍ ය.විදේශ ජාතිකයන් ලංකාවේ සිටිමට විසා තිබුණත් තිබෙන ප්‍රශ්න නිසාවෙන් රටින් යන බවට විඩියෝ රාශියක් සිදුකොට සමාජ මාධ්‍ය වෙත දමා තිබෙනු දකින්නට ලැබුණි. 

භූමිතෙල් පොලිමක සිටි කාන්තාවක් සිහ සුන්ව ඇද වැටිමෙන් තරුණයෙකු පැමිණ වතුර ඉසින චායාරූපයක් සමාජ මාධ්‍ය කැළඹුවේ ය.වැඩිහිටියන් සමහර විට බෙහෙත් නොගෙන,ආහාර වේලක් නැතුව කුසගින්නේ සිටින කළ තිබෙන ලෙඩත් වැඩි වී ඇදගෙන වැටී මිය යනු ඇස් වලින් දැකිමත් කණගාටුදායක ය.

කෙසේවෙතත් අපි සියලු දෙනා පතමු අපි උපන් මෙ පින්බිම මෙ මොහොතේ පත්ව ඇති ආර්ථික කඩා වැටීම අවසන් වී සෑම දෙනාගෙම මුවගට සිනහවක් එක් වන කාලයක් ඉක්මනින්ම ඉටු වේවා යන සුබ ප්‍රාර්ථනාව !