2026 විශේෂ වැඩපිළිවෙළක් - ජනවාරි මුල් සතියම සුබයි

මෙම වසරේ සංචාරක ඉලක්ක සම්පූර්ණ කරගැනීමට සංචාරක සංවර්ධන අධිකාරිය විශේෂ වැඩපිලිවෙලක් ආරම්භ කර තිබෙනවා.

ඒ අනුව එහි සභාපති බුද්ධික හේවාවසම් මහතා සඳහන් කළේ සංචාරකයින් නොපැමිණෙන කාලවලදී මෙරටට සංචාරකයින් ගෙන්වා ගැනීම සදහා යුරෝපීය රටවල් ඉලක්ක කර ප්‍රවර්ධන වැඩසටහන් සිදුකරන බවයි.

එසේම ස්පාඤ්ඤය සහ ඒ ආශ්‍රිත කලාපවල ගිම්හාන සංචාරකයින් වැඩි ලෙස මෙරටට පැමිණෙන බැවින් එම වෙළෙඳපොළවල් ඉලක්ක කර ප්‍රවර්ධන කටයුතු සිදු කිරීමට බලාපොරොත්තු වන බවද ඔහු පැවසුවා.

අදින් ඇරඹෙන ජාතික නිවාස වැඩසටහන - නිවාස 31,000 ක්

තවද ඔහු කියා සිටියේ මෙම සංචාරකයින් ගෙන්වා ගැනීමේ වැඩපිළිවෙළ යටතේ පළමුව ඉන්දියාවේ සංචාරක ප්‍රවර්ධන වැඩපිළිවෙළක් ක්‍රියාත්මක කළ බවත් ඒ අනුව දිල්ලිය, මුම්බායි සහ චෙන්නායි යන නගරවල මෙය ක්‍රියාත්මක කළ බවත් ය.

එසේම මේ තුළින් ඉන්දියාවේ සිට ලංකාවට එන සංචාරකයින් විවිධාංගීකරණය කර වැඩි වටිනාකමක් ඇති සංචාරකයින් මෙරටට රැගෙන ඒම අරමුණ වූ බවද ඔහු කියා ඇත.

මේ අතර සංචාරක සංවර්ධන අධිකාරියේ සභාපති බුද්ධික හේවාවසම් මහතා වැඩිදුරටත් සඳහන් කළේ, 2026 වසරේ ජනවාරි මාසයේ මුල් සතිය තුළ පමණක් සංචාරකයින් අනූහතර දහසකට වැඩි පිරිසක් මෙරටට පැමිණ ඇති බවයි.

එළැඹෙන සති අන්තයේ සහ සඳුදා දින රට තුළ ඉන්ධන හිඟයක් - දිවයිනටම අනතුරු ඇඟවීමක්

සියලුම පාසල්වලට අධ්‍යාපන අමාත්‍යංශයෙන් විශේෂ නිවේදනයක්