ලක්ෂ 5කට වැඩි මුදලකට රජයෙන්ම ඊශ්‍රායල යන්න නියම චාන්ස් එකක් - හෙට සිට ක්‍රියාත්මක බවට රජයෙන් දැනුම්දීමක්

ශ්‍රී ලංකා විදේශ සේවා නියුක්ති කාර්යාංශය විසින් ඊශ්‍රායලයේ හෝටල් ක්ෂේත්‍රයේ ගෘහපාලන සහ පවිත්‍රතා අංශවල පවතින ඉහළ වැටුප් සහිත රැකියා අවස්ථා සඳහා සුදුසුකම් ලත් ලාංකිකයන්ගෙන් නව අයදුම්පත් කැඳවන බව නිල වශයෙන් නිවේදනය කර තිබේ.

සුදුසුකම් ලත් පිරිමි සහ කාන්තා දෙපාර්ශවය සඳහාම මෙම විදේශ රැකියා අවස්ථා සමාන ලෙස විවෘත වන අතර, අදාළ රැකියා සඳහා නිල වශයෙන් ලියාපදිංචි වීම 2026.06.09 වන අඟහරුවාදා දින දහවල් 12.00 ට සෘජුවම ආරම්භ කිරීමට සියලු කටයුතු සූදානම් කර ඇත.

සුරේෂ් සලේ එදා මාව හම්බෙලා මේක සමථයකට පත්කර ගමු කීවා එදා මන් කරපු දේ හරියටම හරි - සිරිල් ගාමිණි පියතුමා

මෙවර විශේෂ බඳවා ගැනීමේ වැඩසටහන යටතේ ශ්‍රී ලාංකික පිරිමි අයදුම්කරුවන් 2100 දෙනෙකුට සහ කාන්තා අයදුම්කරුවන් 900 දෙනෙකුට ඊශ්‍රායලයේ රැකියා ලබා ගැනීම සඳහා සුවිශේෂී අවස්ථාව හිමිවන බව විදේශ සේවා නියුක්ති කාර්යාංශය වැඩිදුරටත් සනාථ කරයි.

මෙම රැකියා අවස්ථා සඳහා අයදුම් කිරීමට සහ ලියාපදිංචි වීමට බලාපොරොත්තුවෙන් පසුවන පිරිස්, ඊශ්‍රායල් රැකියා නියුක්තිය සඳහාම රජය විසින් විශේෂයෙන් වෙන් කර ඇති නිල වෙබ් ද්වාරය වන www.slbfe.lk වෙබ් අඩවිය හරහා පමණක් තමන්ගේ ලියාපදිංචි වීම් නිවැරදිව සිදු කළ යුතු බව ද කාර්යාංශය අවධාරණය කරයි.

ව්‍යාජ පණිවිඩයක් ගැන පොලීසියෙන් විශේෂ දැනුම්දීමක්