නියෝජ්‍ය පොලිස්පති ධුරයට ශානි අබේසේකර

නියෝජ්‍ය පොලිස්පති ධුරයට අපරාධ පරීක්ෂණ දෙපාර්තමේන්තුවේ අධ්‍යක්ෂ, ජ්‍යේෂ්ඨ පොලිස් අධිකාරි ශානි අබේසේකර මහතා උසස් කර ඇත. ශානි අබේසේකර මහතා නියෝජ්‍ය පොලිස්පති තනතුරට උසස් කිරීමට, පරිපාලන අභියාචනා විනිශ්චයාධිකාරය පසුගියදා නියෝග කර තිබූ අතර, එම නියෝගය ඉකුත් මැයි 13වැනිදා ජාතික පොලිස් කොමිෂන් සභාව වෙත දැනුම් දී ඇත.

එහි සඳහන් වූයේ අගෝස්තු මස 25 සිට බලපැවැත්වෙන පරිදි මෙම උසස්වීම් ලබාදීමට නිර්දේශ කර තිබූ අතර, වැඩතහනමට ලක් වූ දින සිට මේ දක්වා අහිමි වූ සියලුම හිඟ වැටුප් සහ දීමනා ශානි අබේසේකර මහතාට ගෙවීය යුතු බවයි.

දීමනා ඉල්ලීම් මුල් කරගනිමින් මේ රාජ්‍ය සේවකයන් සියලුම රාජකාරිවලින් ඉවතට

2020 වසරේ ජූලි මාසයේදී ශානි අබේසේකර මහතා අත්අඩංගුවට ගැණුනු අතර, මාස 11ක කාලයක් රක්ෂිත බන්ධනාගාර ගතව සිටීමටද සිදුවිය. පසුව අභියාචනාධිකරය විසින් ඔහු ඇප මත මුදා හරින ලදී.

කෙසේ වෙතත් 2024 වසරේදී 3/2018 චක්‍ර ලේකයේ ප්‍රතිපාදන අනුව යළි සේවයේ පිටවූ ශානි අබේසේකර මහතා, අනතුරුව අපරාධ පරීක්ෂණ දෙපාර්තමේන්තුවේ අධ්‍යක්ෂවරයා ලෙස පත් කරනු ලැබීය.