පාසල් සිසුන්ට ලබා දුන් දෙයක් එකවරම නවතියි...

කිරි වෙනුවට ළමුන්ට වෙනත් පානයක් දෙන්න යයි පාසල් සිසුන් සඳහා දියර කිරි ලබා දීම අත්හිටුවා දේශීය සහල්වලින් පිළියෙල කරන ලද කැඳ වීදුරුවක් ලබාදීමට පාසල් යටිතල පහසුකම් හා අධ්‍යාපන සේවා රාජ්‍ය අමාත්‍යංශය තීරණය කර ඇත.

පාසල් 927ක සිසුන් ලක්ෂ හතරකට සතියකට දෙවරක් මේ අනුව කැඳ ලබාදීමට සැලසුම් කර තිබේ.

සෞඛ්‍ය අමාත්‍යාංශය මගින් අනුමත කරන දේශීය කැඳ වට්ටෝරුවක් මේ සඳහා භාවිතා කරන අතර පෞද්ගලික සමාගමකින් කැඳ ලබා ගැනීමටද සැලසුම් කර ඇත.

මෙම ව්‍යාපෘතිය සඳහා රුපියල් මිලියන 650ක් මෙම වර්ෂයේ දී වැය කිරීමට නියමිතය.

දියර කිරි ලබාදීම සඳහා වෙන් කළ මුදල් මේ සඳහා භාවිතා කෙරේ.

දියර කිරි වීදුරුවක් සඳහා වැය කළ රුපියල් 23ක මුදලටම කැඳ වීදුරුවක් ලබාදීමට සැලසුම් කර තිබේ.

2021 වර්ෂයේ පාසල් දරුවන්ට කිරි ලබාදීම ක්‍රියාත්මක කිරීම සඳහා කිරි සපයන ආයතන කැඳවා ඇතත් කිසිදු සමාගමක් ඉදිරිපත් වී නොමැති බවද අධ්‍යාපන අමාත්‍යාංශ වාර්තා අනාවරණය කරයි.

ඊට හේතු වී ඇත්තේ කිරි සපයා ගැනීමේ දුෂ්කරතාවයයි.