අද උදෑසන 8 සිට සවස 3 දක්වා ඉල්ලීමක් - නොකළොත් හදිසි විදුලි බිඳවැටීම්

සූර්ය පැනල පද්ධති හිමි විදුලි පාරිභෝගිකයින්ගෙන් ජාතික පද්ධති ක්‍රියාකරු පුද්ගලික සමාගම ඉල්ලා සිටින්නේ හදිසි විදුලි බිඳවැටීමක් ඇතිවීම වලක්වා ගනිමින් පද්ධතියේ ස්ථායීතාව පවත්වාගෙන යාම සඳහා අද (31) දිනයේ ද පෙ.ව. 8 සිට ප.ව. 3 දක්වා වහළ මත සවිකර ඇති සූර්ය පැනල ක්‍රියාවිරහිත කරන ලෙසයි.

පද්ධතියේ ස්ථායීතාවය රැක ගැනීම සඳහා ස්වේඡාවෙන් තම සූර්ය පැනල ක්‍රියා විරහිත කරන ලෙස ඔවුන් මෙම ඉල්ලීම සිදුකර තිබේ.

මධ්‍යම රාත්‍රියේ සිට සියලු ඉන්ධනවල මිල ගණන් ඉහළට - අද සිට ක්‍රියාත්මක වන නව මිල මෙන්න

ජාතික විදුලිබල පද්ධතියේ ඇති වූ අසමතුලිතතාවක් හේතුවෙන් දිවයිනේ ප්‍රදේශ කිහිපයක ඊයේ (30) දිනයේ පැය කිහිපයක් සඳහා විදුලි සැපයුම විසන්ධි කිරීමට සිදුවිය. මේ හේතුවෙන් කොළඹ ඇතුළු ප්‍රදේශ කිහිපයකින් විදුලිය බිඳ වැටීම් වාර්තා විය.

වෙසක් පොහොය සහ දීර්ඝ සති අන්තය හේතුවෙන් ජාතික විදුලිබල පද්ධතියේ විදුලි ඉල්ලුම පුරෝකතනය කළ කාලසීමාවට වඩා ශීඝ්‍රයෙන් පහළ යාම හා සූර්ය පැනල මගින් ජනනය වන විදුලිය ප්‍රමාණය ඉහළ අගයක් ගැනීම හේතුවෙන් ඊයේ ජාතික පද්ධතියේ අසමතුලිතතාවක් නිර්මාණය වූ තිබුණි.

රජයේ හා පෞද්ගලික අංශයේ කාන්තා සේවිකාවන්ට පඩි සහිත ඔසප් නිවාඩු - රජයට විශේෂ ඉල්ලීමක්

එම තත්ත්වය පාලනය කිරීම සඳහා ඊයේ දිනයේද ප.ව. 3 දක්වා වහල මත සූර්ය පැනල සවි කර ඇති හිමිකරුවන්ට එම සූර්ය පැනල ස්වෙච්ඡාවෙන් විසන්ධි කරන ලෙසයි ඉල්ලීමක් කර තිබුණි. කෙසේ නමුත් ඊයේ ප.ව. 2.15ට පමණ වනවිට විදුලිය විසන්ධි කළ ප්‍රදේශවල විදුලි සැපයුම යථා තත්ත්වයට පත් කිරීමට හැකිවිය.