හෙට උණුසුම ඉහළට – ජනතාවට කාලගුණ අවවාදයක්

කාලගුණ විද්‍යා දෙපාර්තමේන්තුව විසින් බස්නාහිර, සබරගමුව, දකුණු සහ වයඹ පළාත්වලත්, අනුරාධපුර, මන්නාරම සහ වවුනියාව දිස්ත්‍රික්කවලත් උණුසුම් කාලගුණය සඳහා අවවාදයක් නිකුත් කර තිබෙනවා.

හෙට (22) දිනට වලංගු වන මෙම අවවාදයට අනුව, දිස්ත්‍රික් 13ක සමහර ප්‍රදේශවල මිනිස් සිරුරට දැනෙන උෂ්ණත්වය  'අවවාද මට්ටම'  දක්වා ඉහළ යාමට ඉඩ ඇති බව දෙපාර්තමේන්තුව සඳහන් කරයි.

ට්‍රම්ප්ගේ ඉරාන යුද්ධය "කෙටි චාරිකාවක්" නොවෙයි-ගෝලීය තෙල් අර්බුදය මැද තවත් භටයින් යවන්න සූදානම්

මෙම තත්ත්වය හේතුවෙන් දිගු කාලයක් හිරු එළියට නිරාවරණය වීමෙන් මිනිසුන්ට තෙහෙට්ටුව , අධික කලබලය සහ තාප කැක්කුම  ඇති විය හැකි බවත්, එය බරපතල වුවහොත් තාප ආඝාතය  දක්වා තත්ත්වය උත්සන්න විය හැකි බවත් අවවාදයේ සඳහන්.

• අවවාදයෙන් ජනතාවට ලබා දෙන උපදෙස්:
• දිගු කාලයක් එළිමහන් ක්‍රියාකාරකම් සිදු නොකරන්න.
• ජලය හා තරලයන් ප්‍රමාණවත් ලෙස බොන්න.
• හිරු එළියෙන් ආරක්ෂා වීමට සුදුසු ඇඳුම් පැළඳීම, හිස්වර්ගයක් භාවිතා කිරීම සහ සෙවනැල්ල යට සිටීම.

වයස අඩු ළමුන්, වයස්ගත පුද්ගලයින් සහ රෝගීන් විශේෂයෙන් සැලකිලිමත් වන්න. මෙම උණුසුම් තත්ත්වය මෑත දිනවල දිවයිනේ බොහෝ ප්‍රදේශවල පවතින බැවින්, ජනතාවගේ සෞඛ්‍යය ආරක්ෂා කිරීම සඳහා අවධානය යොමු කරන ලෙස කාලගුණ දෙපාර්තමේන්තුව ඉල්ලා සිටියි.

හෝමූස් නිසා ලෝකෙම දැවැන්ත අර්බුදයක - තෙල් විතරක් නෙවෙයි කන්න බොන්න නැතුව මිලියන 100ක ජනතාව අසරණයි?

ජනාධිපති ලේකම් කාර්යාලයට වාහන 634ක්-අගමැතිනි