මේ පුද්ගලයාව දැක්කද? දුටු තැන වහාම කියන්න - පොලිසියෙන් විශේෂ නිවේදනයක්

පොලීසිය විසින් පසුගිය වසරේ දෙහිවල පොලිස් වසමේ නැදිමාල ප්‍රදේශයේ වෙළෙඳසැලක් තුළ සිදුකළ වෙඩි තැබීමකින් පුද්ගලයෙකු ඝාතනය කිරීමේ සිද්ධියකට අදාළව සැකකරුවෙකු අත්අඩංගුවට ගැනීම සඳහා මහජන සහාය ඉල්ලා ඇත.

පොලිසිය පවසන්නේ 2025 මැයි 19 වන දින පැපිලියාන පාර, නැදිමාල ප්‍රදේශයේ වෙළෙඳසැලක් තුළ සිටි පුද්ගලයෙකුට යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් ගිනි අවියකින් වෙඩිතබා ඝාතනය කර ඇති බවයි.

රටටම අනතුරු ඇගවීමේ නිවේදන - විශේෂ අවදානයක් යොමු කරන්න

වැඩිදුරටත් තොරතුරු වාර්තා වන ආකාරයට විමර්ශන බස්නාහිර පළාත දකුණ දිසා අපරාධ විමර්ශන කොට්ඨාසය මඟින් සිදු කරමින් පවතින අතර, එහිදී වෙඩි තැබීම සිදු කළ යතුරුපැදියේ පැදිකරු ලෙස සැලකෙන සැකකරුවෙකු හඳුනාගෙන ඇත.

එම සැකකරු ලෙස හඳුනාගෙන ඇත්තේ සේනාරත්නගේ ධනංජය කෞෂල්‍ය පෙරේරා නම් පුද්ගලයෙකි.ඔහුගේ ලිපිනය ලෙස අංක 41/14, ඕබන් පෙදෙස, දෙහිවල සඳහන් වේ.

යුද්ධය ඇවිලෙයි - ඉරාන නාවික 'හමුදාපති ඝාතනය කරයි - ආයෙනම් ලේසියෙන් යුද්දේ නවතින පාටක් නැහැ

සැකකරු සම්බන්ධයෙන් කිසියම් තොරතුරක් ඇති පිරිසක් පහත දුරකථන අංක වෙත දැනුම් දෙන ලෙස පොලිසිය මහජනතාවගෙන් ඉල්ලා සිටී.

071-8596065 (ස්ථානාධිපති – බස්නාහිර පළාත දකුණ දිසා අපරාධ විමර්ශන කාර්යාංශය)

011-2809077 (බස්නාහිර පළාත දකුණ දිසා අපරාධ විමර්ශන කාර්යාංශය)