ප්‍රදේශ රැසකට සුළු ගංවතුර අවදානමක් – වාරිමාර්ග දෙපාර්තමේන්තුවෙන් අනතුරු ඇඟවීම

ගිංගා සහ නිල්වලා ගඟේ ඉහළ හා මධ්‍යම ගංද්‍රෝණි ප්‍රදේශවලට ඇදහැලෙන අධික වැසි නිසා ඉදිරි පැය 24 තුළ සුළු ගංවතුර තත්ත්වයක් ඇතිවීමේ අවදානමක් පවතින බව වාරිමාර්ග දෙපාර්තමේන්තුව අනතුරු අඟවයි.

ගිංගා ද්‍රෝණියේ බලපෑම් ලැබිය හැකි ප්‍රදේශ:

නෙළුව, තවලම, නාගොඩ, නියාගම, වැලිවිටිය-දිවිතුර, ඇල්පිටිය, අක්මීමන ප්‍රාදේශීය ලේකම් කොට්ඨාස.

නිල්වලා ගඟේ බලපෑම් ලැබිය හැකි ප්‍රදේශ:

පස්ගොඩ, කොටපොල, පිටබැද්දර, අකුරැස්ස, අතුරලිය, මාලිම්බඩ, කඹුරුපිටිය, තිහගොඩ ප්‍රාදේශීය ලේකම් කොට්ඨාස.

කාලගුණෙන් උතුරු නැගෙනහිර ජනතාවට අනතුරු ඇඟවීමක්

මේ නිසා එම ප්‍රදේශවල ජනතාව විශේෂ අවධානයෙන් පසුවන ලෙසත්, ගංඉවුර ආසන්නයේ ජීවත් වන අය ආරක්ෂාකාරී ස්ථාන කරා ගමන් කිරීමට සූදානමින් සිටින ලෙසත් වාරිමාර්ග දෙපාර්තමේන්තුව උපදෙස් ලබා දෙයි.

ඒ අනුව රාජාංගනය ජලාශයේ වාන් දොරටු 04ක් සහ අංගමුව ජලාශයේ වාන් දොරටු 02ක් දැනට විවෘත කර තිබේ.

කාලගුණ විද්‍යා දෙපාර්තමේන්තුවේ අනාවැකි අංශයේ අධ්‍යක්ෂ මෙරිල් මෙන්ඩිස් මහතා පැවසුවේ ඉදිරි දින කිහිපයේදී දිවයිනේ වැසි තත්ත්වය තවදුරටත් තීව්‍ර විය හැකි බවයි. විශේෂයෙන් බස්නාහිර, සබරගමුව, දකුණු පළාත් සහ නුවරඑළිය දිස්ත්‍රික්කයේ ඇතැම් තැන්වල මිලිමීටර් 100 ඉක්මවන තද වැසි ලැබෙන්නට ඉඩ ඇත.

මෙම අධික වර්ෂාව හමුවේ දිස්ත්‍රික්ක 09කට නිකුත් කර තිබූ නායයෑම් අනතුරු ඇඟවීම් තවදුරටත් යාවත්කාලීන කරමින්, ජාතික ගොඩනැගිලි පර්යේෂණ සංවිධානය (NBRO) විශේෂ අවධානය යොමු කර තිබේ.

එබැවින් ගංඉවුර ආසන්නව සහ නායයෑම් අවදානම් කඳුකර ප්‍රදේශවල ජීවත් වන ජනතාව දැඩි අවධානයෙන් පසුවන ලෙසත්, බලධාරීන්ගේ උපදෙස්වලට ක්ෂණිකව යටත් වන ලෙසත් ඉල්ලා සිටින ලදී.

අද දවසේ මේ ලග්නවලට සුබම සුබයි අතමිට සරු වෙලා වස්තුව උතුරයි