ගෝඨාභය වෙන්න පුළුවන් සලේ වෙන්න පුළුවන් වැරැද්ද ඔප්පු වුණොත් ඇතුළට යන්නයි වෙන්නේ - දැන් සලේ නිසා ගොඩක් අය සැලේ වෙලා ඉන්නේ [VIDEO]

ඉරු දින බෝම්බ ප්‍රහාරය සම්බන්ධයෙන් වැරදිකරුවන් වුවහොත් හිටපු ජනාධිපති ගෝඨාභය රාජපක්ෂ හෝ සුරේෂ් සලේ සිරගෙට යාමට සූදානම් විය යුතු බව වැවිලි හා සමාජ යටිතල පහසුකම් අමාත්‍ය සමන්ත විද්‍යාරත්න මහතා පැවසීය.

කොළඹ පැවති මාධ්‍ය හමුවකට සහභාගී වෙමින් ඔහු ඉහත සඳහන් කළේය. මේ රටේ නීතිය සැමට පොදුයි. සුරේෂ් සලේ වේවා, හිටපු ජනාධිපති ගෝඨාභය රාජපක්ෂ වේවා, වත්මන් ජනාධිපති අනුර කුමාර දිසානායක වේවා, නීතිය පොදුයි. පාස්කු ඉරිදා ප්‍රහාරය සම්බන්ධයෙන් රාජ්‍ය බුද්ධි සේවයේ හිටපු ප්‍රධානියා වන සුරේෂ් සලේ අත්අඩංගුවට ගෙන ඇති අතර ඔහුට එරෙහිව පවත්වන ලද සියලු පරීක්ෂණ නීත්‍යානුකූලයි.

ගෝටාභය රාජපක්ෂ අත්අඩංගුවට ගන්න සියල්ල සූදානම්? පාස්කු ප්‍රහාරයේ වුණේ ස්ක්‍රිප්ට් එකකට? යූටියුබ් නාලිකාවෙන් ආන්දෝලනාත්මක අනාවරණයක්

අපරාධ පරීක්ෂණ දෙපාර්තමේන්තුවේ පරීක්ෂණ වැරදි බව තහවුරු වුවහොත්, නීතිය ඉදිරියේ කොන්දේසි නොමැත. සැකකරුවන්ට අධිකරණයේදී තම නිර්දෝෂීභාවය ඔප්පු කළ නොහැකි නම්, ඔවුන් සියලු දෙනාම සිරගෙට යාමට සූදානම් විය යුතුය.

සුරේෂ් සලේගේ ජීවිතය අනතුරේ පවතින බව පවසමින් ඔහුට සහාය දක්වමින් කතා කරන අය ඇත්තටම සලේගේ කනස්සල්ල ගැන කතා නොකරති. පාස්කු ඉරිදා ප්‍රහාරය හුදෙක් ආගමක් හෝ ත්‍රස්තවාදයක් පමණක් නොවන අතර එය දේශපාලන හා බල අවශ්‍යතා සඳහා වේදිකා ගත කර ඇත. ඊළඟ නීතිමය පියවර සහ නීතිමය විධිවිධාන බැරෑරුම් ලෙස සලකන බව ඔහු සඳහන් කළේය.

සලේට මාංචු දාලා නිරුවත් කරා - දෙකට නවලා ගුද මාර්ගය පරික්ෂා කරා - නෑ නෑ කිව්වට හැමදේම ඊයේ CID පිළිගත්තා - සුරේෂ් සලේගේ බිරිදගෙන් ආන්දෝලනාත්මක අනාවරණයක්