හොර ඔප්පු හැදූ නීතිඥවරයාට ලැබුණු අමතක නොවන දඩුවම

ඉඩම් ගනුදෙනුවක් සම්බන්ධයෙන් වංචනික ලෙස කූඨ ලේඛණ සකස් කරන ලද නීතිඥවරයකුට සහ ඔහුට සහාය දැක්වූ පුද්ගලයකුට විරුද්ධව හලාවත මහාධිකරණයේ විභාග වූ නඩුවකදී සැකකාර නීතිඥවරයාට සහ ඔහුට සහාය වූ අනෙක් පුද්ගලයා වරදකරු බවට අධිකරණය තීන්දු කර   ඇත.

එම  සැකකරුවන්ට බරපතල වැඩ ඇතිව වසර දහයක සිර දඬුවම් සහ රුපියල් ලක්ෂය බැගින් දඩ මුදල්ද පැමිණිල්ලේ පළමු සාක්ෂිකාරියට රුපියල් ලක්ෂ අට බැගින් වන්දි ගෙවීමට හලාවත මහාධිකරණ විනිසුරු නයෝමි වික්‍රමසිංහ විසින් නියම කර තිබේ.

මෙසේ චෝදනා ලැබුවේ අදාල නඩුවේ පළමු විත්තිකරු වන රම්පටි දේවගේ සමන් කුමාර නමැති පුද්ගලයකු සහ දෙවන විත්තිකරු වන වර්ණකුලසූරිය ඇලෙක්ස් නිශාන්ත ප්‍රනාන්දු නමැති නීතිඥවරයෙක් වේ.

ඔහු වෙනුවෙන් පෙනී සිටි නීතිඥවරයා සදහන් කළේ නඩුවේ දෙවන විත්තිකරු වන නීතිඥවරයා නොතාරිස්වරයෙක්ද වන අතර වෙන්නප්පුව ප්‍රාදේශීය සභාවේ මන්ත්‍රීවරයකු ලෙසද කටයුතු කරන බවයි.

“අස්වැසුම’’ ප්‍රතිලභීන් ගැන කණගාටුදායක ආරංචියක්

ඔහු තිදරු පියකු වන අතර ඔහුගේ දරුවන් දෙදෙනෙක් නීතිය හදාරමින් සිටින බවත් ඔහුගේ නීතිඥවරයා ප්‍රකාශ කර ඇත.

2009 මාර්තු මස 03 හෝ ඊට ආසන්න දිනකදී පුද්ගලයකුට අයත් ඉඩමක් තවත් අයකුට සින්නක්කර උප්පුවක් මගින් පවරා දෙන බවට වංචනික ලෙස කූට ලේඛන සකස් කිරීම සම්බන්ධයෙන් මෙම නඩුව පවරා තිබුණි.

මෙම නඩුවේ විත්තිකරුවන් දෙදෙනාට චෝදනා පහක් යටතේ නීතිපති විසින් අධි චෝදනා ගොනුකර ඇත.

තවද මහාධිකරණ විනිසුරුවරිය නඩුවේ තීන්දුව ප්‍රකාශයට පත් කරනු ලැබුවේ මෙම නඩුවේ විත්තිකරුවන් දෙදෙනාටම විරුද්ධව නගා තිබූ චෝදනා සියල්ලටම ඔවුන් වරදකරුවන් කරමිනි.   

විදුලි ගාස්තුව ගැන පාඨලීගෙන් රතු එළියක්