ශ්‍රී ලංකාවත් වන ගහනයෙන් ඉහළ රටවල් ත්‍රිත්වයේ...(PHOTOS)

වන ගහනය සියයට 30 සීමාවේ පවත්වාගෙන යන ලොව රටවල් තුන අතර ශ්‍රී ලංකාව පසුවන බව රජයේ ගිණුම් පිළිබඳ කාරක සභාවේදී අනාවරණය වී ඇති අතර දකුණු කොරියාව සහ ජපානය යන රවටල් දෙක ද ශ්‍රී ලංකාවට අමතරව එලෙස වනාන්තර පද්ධතියක් පවත්වාගෙන යනු ලබයි.

රටක් තුළ පවතින වනාන්තරවල ප්‍රතිශතය 31% ලෙස සලකන අතර මෙරට වනාන්තර ප්‍රතිශතය 30% මට්ටමේ පැවතීම ඉතා යහපත් තත්ත්වයක් වන බව ද එම නිලධාරීන් සඳහන් කරනවා.

ශ්‍රී ලංකාවේ සමස්ත වනාන්තර පද්ධතිය 2018 වන විට හෙක්ටයාර මිලියන 1.4 ක පමණ වනාන්තර ගැසට් කර ඇත.

කෙසේවෙතත්, මේ වන විට වනාන්තර පිලිබඳ ගැසට් නොකිරීම පිළිබඳව කාරක සභාව විසින් නිලධාරීන්ගෙන් විමසා ඇති අතර තවමත් ප්‍රකාශයට පත් නොකළ වනාන්තර හෙක්ටයාර දෙලක්ෂ පනස්දහසක් පමණ පවතින බවත් ඊට පිළිතුරු ලබාදෙමින් වන සංරක්ෂණ දෙපාර්තමේන්තුවේ නිලධාරීන් සඳහන් කර තිබුණි.

ඒ අනුව, මෙහිදී කාරක සභා සභාපතිවරයා උපදෙස් ලබාදී ඇත්තේ, එම ගැසට් නොකළ වනාන්තර හැකි ඉක්මනින් ගැසට් කිරීමට කටයුතු කරන ලෙස ය.