සිංහල සහ දෙමළ භාෂාව ඉගෙන ගන්නා රාජ්‍ය සේවකයින් සම්බන්ධයෙන් කරන්න යන දේ මෙන්න[PHOTOS]

භාෂාවන් ඉගෙන ගන්නා රාජ්‍ය සේවකයින්ගේ භාෂා දැනුම ගැන පසු විපරම් සිදු කළ යුතු බවට අධිකරණ සහ ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතා ප්‍රකාශ කර ඇත.

අමාත්‍යවරයා මේ බව කියා ඇත්තේ ජාතික භාෂා අධ්‍යාපන පුහුණු ආයතනයේ නිලධාරීන් සහ අධිකරණ ඇමැතිවරයා අතර පැවති සාකච්ඡාවකදීයි.

පසුගිය (21) දින පස්වරුවේ මාකුඹුර පිහිටි ජාතික භාෂා අධ්‍යාපන සහ පුහුණු ආයතනයේදී මෙම සාකච්ඡාව පැවති අතර ජාතික භාෂා අධ්‍යාපන සහ පුහුණු ආයතනයේ ක්‍රියාකාරීත්වය සහ ව්‍යුහය පිළිබඳව ද එහිදී අවධානය යොමුව ඇති බව සඳහන්.

වාහන අංක තහඩුවලට අලුතින්ම කරන්න යන දේ මෙන්න - මැයි මාසයේ අග සිට නිකුත් කරන බවටත් දැනුම්දීමක්

එහිදී අමාත්‍යවරයා සිංහල සහ දෙමළ භාෂාව අධ්‍යයනය කළ රාජ්‍ය සේවකයින් එම භාෂාව ඉගෙන ගැනීම සහ එම භාෂාව ප්‍රයෝජනයට ගන්නා ආකාරය පිළිබඳ වසර තුනකින් හෝ හතරකින් පසු විපරමක් සිදු කිරීම පිළිබඳව අවධානය යොමු කරන ලෙස කාර්ය මණ්ඩලය වෙත උපදෙස් ලබා දී ඇත.

මෙම සාකච්ඡාව සඳහා අධිකරණ සහ ජාතික ඒකාබද්ධතා අමාත්‍යාංශයේ අතිරේක ලේකම් (ජාතික ඒකාබද්ධතා) වී.මධුමතී, ජාතික භාෂා අධ්‍යාපන සහ පුහුණු ආයතනයේ සභාපති චන්ද්‍රා වික්‍රමසිංහ, එහි අධ්‍යක්ෂ ජනරාල් ශාමින්ද මහලේකම් යන මහත්ම මහත්මීන් ඇතුලු ජාතික භාෂා අධ්‍යාපන සහ පුහුණු ආයතනයේ නිලධාරීන් පිරිසක් සහභාගී වී තිබුණා.

මාරාන්තික තත්ත්වයක් - කොළඹින් රෝගීන් හමුවීමත් සමඟ මේ එන්නත් අනිවාර්යයෙන් ලබාගන්නැයි දන්වයි

වෙසක් සතිය මැයි 27 සිට ජූනි 2 දක්වා - අමතර නිවාඩු දිනයක් ගැන විශේෂ නිවේදනයක්