“ලාංකික ධීවරයින්ට පහර දීලා” - කතාවේ ඇත්ත නැත්ත ගැන ඉන්දියාව කියයි

ශ්‍රී ලංකාවේ ඉන්දීය මහ කොමසාරිස් කාර්යාලය විසින් නිකුත් කළ නිවේදනයකින් පසුගිය ජනවාරි 29 වැනිදා මුහුද මැදදී ශ්‍රී ලාංකික ධීවරයින්ට ප්‍රහාරයක් එල්ල වූ බවට මාධ්‍යවල වාර්තා වී ඇති බව සඳහන් කර ඇත.

එහෙත් එම නිවේදනයේදී ඉන්දීය මහ කොමසාරිස් කාර්යාලය පවසා ඇත්තේ, තමන් ලබාගත් තොරතුරු අනුව ඉන්දීය නාවික හමුදාව හෝ ඉන්දීය වෙරළාරක්ෂක බලකාය විසින් එවැනි කිසිදු ප්‍රහාරයක් හෝ හිංසාවක් එල්ල කර නොමැති බවයි. එමඟින් මෙම චෝදනාවන් ප්‍රතික්ෂේප කර ඇත.

එසේම, ධීවරයින්ගේ ජීවනෝපාය ගැටළු සම්බන්ධයෙන් මානුෂීය ප්‍රවේශයක් අනුගමනය කළ යුතු බවත්, කිසිදු තත්ත්වයක් යටතේ බලය යෙදවීම නොකළ යුතු බවත් ඉන්දියාව නිරන්තරයෙන් විශ්වාස කරන බවත් නිවේදනයේ සඳහන් වේ.

ඔලුගල හදිස්සියේම රෝහල් ගතකරපු හේතුව මෙන්න..

මෙම ගැටළු සම්බන්ධයෙන් ඉන්දීය පැත්තෙන් ශ්‍රී ලංකා රජය සමඟ දිගටම සම්බන්ධතා පවත්වාගෙන යන බවද එහිදී අවධාරණය කර ඇත.

මෙය පසුගිය දිනවලදී ශ්‍රී ලංකා මත්ස්‍ය සම්පත් අමාත්‍ය රාමලිංගම් චන්ද්‍රසේකර මහතා විසින් ඉන්දීය වෙරළාරක්ෂක බලකායේ ප්‍රහාරයක් ගැන දැඩි විරෝධය පළ කළ පසුව ඉන්දීය පැත්තෙන් ලැබුණු ප්‍රතිචාරයකි. එම අවස්ථාවේදී වෙන්නප්පුව වැල්ලමංකරය මුහුදු තොටුපළෙන් පිටත් වූ ධීවරයින් 12 දෙනෙකුට පහරදීමක් සිදුවූ බවත්, ඔවුන්ගෙන් සමහර දෙනෙකුට තුවාල ලැබුණු බවත් වාර්තා විය.

ඉන්දීය මහ කොමසාරිස් කාර්යාලයේ මෙම තහවුරු කිරීමත් සමඟ දෙරට අතර මුහුදු සීමා ගැටළු හා ධීවර ගැටුම් සම්බන්ධයෙන් සාකච්ඡා තවදුරටත් ඉදිරියට යනු ඇතැයි සැලකේ.

“අපි ට්‍රම්ප්ගේ ලෝකයේ ජීවත් වෙනවා” - රනිල්ගේ ප්‍රකාශය එක්කම දේශපාලනය උණුසුම් වෙයි