උණුසුම් කාලගුණය ගැන මහජනතාවට විශේෂ දැනුම්දීමක් - ඔබත් මේ ප්‍රදේශවල නම් ප්‍රවේශමෙන්

උතුරු - මැද, නැගෙනහිර පළාත් සහ යාපනය, කිලිනොච්චි, මුලතිව්, වව්නියා, කුරුණෑගල, මොනරාගල සහ හම්බන්තොට දිස්ත්‍රික්ක සඳහා උණුසුම් කාලගුණය ගැන අවවාදාත්මක නිවේදනයක් නිකුත් කර තිබේ.

අද (08) පස්වරු 4ට නිකුත් කරන ලද මෙම නිවේදනය හෙට දිනය දක්වා වලංගු වන බව කාලගුණවිද්‍යා දෙපාර්තමේන්තුව පවසයි. ඒ අනුව,උතුරු - මැද, නැගෙනහිර පළාත් සහ යාපනය, කිලි නොච්චි, මුලතිව්, වව්නියා, කුරුණෑගල, මොනරාගල සහ හම්බන්තොට දිස්ත්‍රික්කවල ඇතැම් ප්‍රදේශවල දිවා කාලයේදී උණුසුම් දර්ශකය මිනිස් සිරුරට දැනෙන උණුසුම 'අවධානය යොමු කල යුතු' මට්ටමක පැවතිය හැකි බව නිවේදනයේ සඳහන් වෙයි.

“මුළු ශ්‍රී ලංකාවම බලා සිටි පාස්කු ප්‍රහාරයේ තීන්දුව ළඟයි” - ලිඛිත දේශන ඉදිරිපත් කිරීම ඇරඹේ

මේ අතර,හෙට බස්නාහිර සහ සබරගමුව පළාත්වලත් ගාල්ල සහ මාතර දිස්ත්‍රික්කවල වැසි වාර කිහිපයක් ඇති විය හැකි බව එම දෙපාර්තමේන්තුව පවසයි.

ඌව පළාතෙත් මඩකලපුව, අම්පාර, පොලොන්නරුව, නුවරඑළිය සහ මාතලේ දිස්ත්‍රික්කවලත් පස්වරු 2න් පසුව තැනින් තැන වැසි හෝ ගිගුරුම් සහිත වැසි ඇති විය හැකිය.

ගිගුරුම් සහිත වැසි සමඟ ඇති විය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස එම දෙපාර්තමේන්තුව මහජනතාවගෙන් ඉල්ලා සිටියි.

කොළඹ වරායේ ඩිජිටල් සංවර්ධනයට ඇමරිකාවෙන් ඩොලර් මිලියන 15ක් ලබාදීමට සැරසෙයි