අදත් අවදානම් දිනයක්...නිවේදන සම්බන්ධයෙන් සෝදිසියෙන් ඉන්න...(Audio)
Akash
ඉදිරි පැය 36ක කාලය තුළ ශ්‍රී ලංකාවේ විවිධ ප්‍රදේශවලට වැසි අධික කාලගුණික තත්ත්වයක් අපේක්‍ෂා කරන බව කාලකුණ විද්‍යා දෙපාර්තමේන්තුව පවසයි.
එම කාලය තුළ අකුණු සැර අවදානමක් පවතින බවයි එහෙම දෙපාර්තමේන්තුව පෙන්වා දෙන්නේ.
අකුණු මඟින් සිදුවිය හැකි අනතුරුව අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුවට රටේ ජනතාවගේ ඉල්ලීමක් කර තිබේ.
අද (23) ප.ව. 2න් පසුව බස්නාහිර, සබරගමුව, මධ්‍යම, වයඹ සහ උතුරු පළාත්වලත් අනුරාධපුර, ගාල්ල සහ මාතර දිස්ත්‍රික්කවලත් තැනින් තැන වැසි හෝ ගිගුරුම් සහිත වැසි ඇතිවිය හැකි බව කාලගුණ විද්‍යා දෙපාර්තමේන්තුව පවසයි.
එමෙන්ම බස්නාහිර, සබරගමුව සහ වයඹ පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවලට මි.මී. 75ට වැඩි තරමක තද වැසි ඇතිවිය හැකිය.
නැගෙනහිර සහ ඌව පළාත්වලත් හම්බන්තොට සහ පොළොන්නරුව දිස්ත්‍රික්කවලත් වැසි වාර කිහිපයක් ඇතිවිය හැකි බවත් එම දෙපාර්තමේන්තුව පවසයි.
මේ අතර බස්නාහිර, සබරගමුව, මධ්‍යම සහ ඌව පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවල උදෑසන කාලයේදී මීදුම් සහිත තත්ත්වයක් පැවතිය හැකි බවත් කාලගුණ විද්‍යා දෙපාර්තමේන්තුව දැනුම්දෙයි.
ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මගින් සිදුවන අනතුරු අවම කර ගැනීමට අවශ්‍ය පියවර ගන්නා ලෙසද ඔවුන් ජනතාවගෙන් ඉල්ලා සිටියි.
කාලගුණ විද්‍යා දෙපාර්තමේන්තුව විසින් නිකුත් කරන අවදානම් නිවේදන පිළිබඳව රටේ ජනතාව දැඩි විමසිල්ලෙන් පසුවන ලෙසද එම දෙපාර්තමේන්තුවේ ඉල්ලීමක් කර තිබෙනවා
