ජනතාවට සුභ ආරංචියක් - ගමන් යන්න බස් රැසක් රජයෙන්

අලුත් අවුරුදු කාලසීමාව තුළ ගම්බිම් බලා ගිය ජනතාවට නැවත කොළඹ බලා පැමිණීමට බස් රථ රැසක් යෙදවීමට පියවර ගන්නා බව ජාතික ගමනාගමන කොමිෂන් සභාව පවසයි.

එහි ධාවන සහ සේවා අධීක්ෂණ අධ්‍යක්ෂක ෂෙරීන් අතුකෝරල මහත්මිය පැවසුවේ ගම් බිම් බලා පිටත්වීමට යෙදූ බස් රථ නැවත කොළඹ බලා මගීන් පැමිණීමටද යොදවන බවය.

ඊයේ (17) දිනය වනවිට බස් රථ 1,500කින් ගම්බිම් බලා ගිය මගීන් 59,000ක් නැවත කොළඹට පැමිණ ඇති බවත් පැවසූ ඇය පෙන්වා දෙනුයේ හෙට සහ අනිද්දා දිනවල වැඩි මගී ඉල්ලුමක් ඇති විය හැකි බවට අපේක්ෂා කරන බවත්ය.

පාසල් සිසුන්ට සුභ ආරංචියක් - තෝරාගත් පාසල් සදහා පමණයි

පෙර අවුරුදු කාලසීමව තුළ බදුල්ල, මොනරාගල, හැටන්, නුවර ආදී ප්‍රදේශ වෙත වැඩි මගීන් ප්‍රමාණයක් ගමන් කර ඇතැයිද එම ගමන් කළ මගීන් නැවත කොළඹ බලා පැමිණෙනු ඇතැයි අපේක්ෂා කරන බැවින් ඒ සඳහා බස් රථ යෙදවීමට පියවර ගන්නා බවත් ඇය සඳහන් කළාය.

මේ සම්බන්ධව වැඩිදුරටත් අදහස් දැක්වූ ෂෙරීන් අතුකෝරල මහත්මිය, 

"ඊයේ වෙනකොට බස් 1,500කින් මගීන් 59,000කට ආසන්න ප්‍රමාණයක් කොළඹට පැමිණිලා තිබෙනවා. අපි බලාපොරොත්තු වෙනවා හෙට සහ අනිද්දා වැඩි මගී ඉල්ලුමක් ඇතිවෙයි කියලා මේ පර්යන්තවල. විශේෂයෙන්ම පෙර අවුරුදු කාලසීමාව තුළ බදුල්ල, මොනරාගල, හැටන්, නුවර වගේ ප්‍රදේශවලට තමා වැඩි මගීන් ප්‍රමාණයක් ගම්බිම් කරා ගමන් කරලා තියෙන්නේ. ඒ ගම්බිම් කරා ගිය ජනතාව නැවත ඒ ආකාරයෙන්ම පැමිණෙයි කියලා අපි බලාපොරොත්තු වෙනවා. පසු අවුරුදු කාලසීමව අප්‍රේල් 20 දක්වා නම් කරගෙන තිබුණත් ඊට පස්සෙත් මගී ඉල්ලුම තිබුනොත් ඒ සඳහාත් බස් රථ යෙදවීමට අපි බලාපොරොත්තු වෙනවා." ඒ වගේම අපි දැනුම්දීලා තිබෙනවා නියමිත මුදලට වැඩි මුදලක් බස්රථවලට ගෙවන්න එපා කියලා. ඒ සඳහා අපේ නිලධාරීන් පැය 24 පුරාම බස් රථ පරීක්ෂා කිරීම් කරනවා. ඊයේ රාත්‍රියෙත් අපිට වැඩි ගාස්තු අයකරපු බස් රථ කිහිපයක් හසුවුණා. එහිදී එම අවස්ථාවේදීම එම මුදල් මගීන්ට ලබා දීමට අපි කටයුතු කරනවා. ඒ නිසා කිසිම මගියෙක් සැකයක් තියාගන්නේ නැතිව අපේ 1955 දුරකථන අංකයට අමතන්න අමතලා තමන්ගේ ගමන් ගාස්තුව ගැන සැකයක් තිබෙනවානම් අපෙන් ඒක විමසන්න පුළුවන්."