මත්ලෝලීන් නැටවෙන ස්පීකර් පෙට්ටි වලින් හමු වූ දේ..
Piyumika
නීතිවිරෝධී ලෙස මෙරටට ආනයන කළ ඖෂධ තොගයක් රේගු නිලධාරීන් විසින් අත්අඩංගුවට ගෙන තිබෙනවා.
කොළඹ වරායේ ගබඩාවක තිබී මෙම නීතිවිරෝධී ලෙස ආනයනය කළ ඖෂධ තොගය සොයාගත් බවයි රේගු මාධ්‍ය ප්‍රකාශක සීවලී අරුක්ගොඩ පැවසුවේ.
වේදනා නාශකයක් ලෙස නියම කෙරෙන මෙම ඖෂධය මත්ද්‍රව්‍ය සඳහා ඇබ්බැහිවූවන් විසින් බහුලව භාවිත කරන බවයි අනාවරණය වී ඇත්තේ.
ඒ, අනුව මෙම වේදනා නාශකය ඖෂධයට වෙළඳපොළේ ඉතා ඉහළ ඉල්ලුමක් පවතින බවයි රේගු මාධ්‍ය ප්‍රකාශකවරයා සඳහන් කළේ.
පිටකොටුව ප්‍රදේශයේ ව්‍යාපාරිකයෙකු විසින් මෙම ඖෂධ තොගය ඉන්දියාවේ සිට ආනයනකර ඇති බවයි අනාවරණය වී ඇත්තේ.
ලී ස්පීකර් පෙට්ටිවල සඟවා තිබිය දී මෙලෙස ඖෂධ කරල් මිලියන 1.8ක් පමණ සොයාගෙන ඇති අතර, ඒවායේ වෙළඳපොළ වටිනාකම රුපියල් කෝටි 100ක් පමණ වන බවට ගණන් බලා තිබෙනවා.
රේගු අධ්‍යක්ෂ ජනරාල්වරයාගේ මගපෙන්වීම යටතේ මේ සම්බන්ධයෙන් වැඩිදුර විමර්ශන සිදුකරනු ලබනවා.
