AI තාක්ෂණයෙන් හැඩවූ ‘රාමායණ’ ඉංග්‍රීසි ට්‍රේලරයට රසිකයන්ගෙන් ඉහළ ප්‍රතිචාර

නිතේෂ් තිවාරිගේ අධ්‍යක්ෂණයෙන් නිර්මාණය වන බහු අපේක්ෂිත ‘රාමායණ’ චිත්‍රපටයේ ඉංග්‍රීසි භාෂා අනුවාදයේ ට්‍රේලරය නිකුත් වීමත් සමඟ එය ජාත්‍යන්තර ප්‍රේක්ෂකයින් අතර දැඩි අවධානයක් දිනාගෙන තිබේ.

පසුගිය මාසයේ නිකුත් වූ මුල් ට්‍රේලරය තුළ රන්බීර් කපූර් රාම දෙවියන් ලෙසත්, සායි පල්ලවි සීතා ලෙසත්, යෂ් රාවණ ලෙසත් රඟපාන ආකාරය ප්‍රේක්ෂකයින්ට දැකගැනීමට අවස්ථාව ලැබිණි. චිත්‍රපටයේ නිෂ්පාදක නමිත් මල්හෝත්‍රා විසින් සෝනි පික්චර්ස් සමාගම ලොව පුරා බෙදාහැරීමේ හවුල්කරුවෙකු ලෙස එක්ව ඇති බවද මීට පෙර නිවේදනය කර තිබුණි.

ඉංග්‍රීසි අනුවාදයේ විශේෂත්වයක් ලෙස, බ්‍රහ්මා AI විසින් සංවර්ධනය කරන ලද කෘතිම බුද්ධි පාදක තොල් චලන සමමුහුර්ත (AI lip-sync) තාක්ෂණය භාවිත කර ඇති අතර, එමඟින් නළුවන්ගේ තොල් චලනයන් ඉංග්‍රීසි දෙබස් සමඟ ස්වභාවිකව ගැළපෙන ආකාරයට සකස් කර තිබේ.

මෙම තාක්ෂණය සම්බන්ධයෙන් සමාජ මාධ්‍ය ඔස්සේ විශාල ප්‍රශංසාවක් හිමිව ඇති අතර, ඇතැම් ප්‍රේක්ෂකයින් පවසන්නේ ඉංග්‍රීසි අනුවාදයේ හඬ හින්දි ට්‍රේලරයට වඩා බලවත් ලෙස දැනෙන බවයි.

''මම භාවනා කරමින් සීතා මෑණියන්ට යාච්ඤා කළා'' - සීතා මෑණියන්ගේ චරිතය රඟපෑම ආශීර්වාදයක් බව සායි පල්ලවි කියයි

රසිකයින් කිහිපදෙනෙකු සඳහන් කර ඇත්තේ රාවණගේ හඬ ඉංග්‍රීසි අනුවාදයේ වඩාත් ගැඹුරු සහ ආකර්ෂණීය බවක් ලබා දෙන බවයි. තවත් පිරිසක් පෙන්වා දී ඇත්තේ ඉංග්‍රීසි අනුවාදය චිත්‍රපටයේ දැවැන්තභාවය සහ අභිරහස් ස්වභාවය වඩාත් හොඳින් ඉදිරිපත් කරන බවයි.

බ්‍රහ්මා AI තාක්ෂණයේ තොල් සමමුහුර්ත කිරීමේ හැකියාවද බොහෝ දෙනාගේ අවධානයට ලක්ව ඇති අතර, එය සිනමා තාක්ෂණයේ වැදගත් ඉදිරි පියවරක් ලෙසද ප්‍රශංසාවට ලක්ව තිබේ.

ට්‍රේලරයේ දර්ශනීයත්වය අතරින් විශේෂයෙන්ම අවධානය දිනාගත් අංගයක් වූයේ දෙවියන්ගේ රජු ලෙස සැලකෙන ඉන්ද්‍ර සමඟ රාවණ සටන් කරන අවස්ථාවේ පෙන්වන ඉන්ද්‍රගේ සුදු පැහැති පියාඹන හස්තියා වන ඓරාවතයයි.

එම දර්ශනය සම්බන්ධයෙන්ද ප්‍රේක්ෂකයින් විශාල උද්යෝගයක් පළ කර ඇති අතර, එය චිත්‍රපටයේ දැවැන්ත දෘශ්‍ය නිර්මාණ අතරින් එකක් ලෙස හඳුන්වා ඇත. ‘රාමායණ’ චිත්‍රපටය පිළිබඳව නිතේෂ් තිවාරිගේ අධ්‍යක්ෂණයෙන් නිර්මාණය වන මෙම චිත්‍රපටය පුරාණ ඉන්දීය මහා කාව්‍යයක් වන රාමායණය ඇසුරින් නිර්මාණය කරන දැවැන්ත සිනමා නිර්මාණයකි.

[

රන්බීර් කපූර්, සායි පල්ලවි, යෂ්, සනී ඩියෝල්, රවි ඩුබේ, රකුල් ප්‍රීත් සිං, ලාරා දත්තා, කාජල් අගර්වාල්, විවේක් ඔබරෝයි සහ අරුන් ගෝවිල් ඇතුළු ජනප්‍රිය රංගන ශිල්පීන් රැසක් මෙහි රංගනයෙන් එක්ව සිටිති.

ප්‍රයිම් ෆෝකස් ස්ටූඩියෝස්, DNEG දෘශ්‍ය ප්‍රයෝග ආයතනය සහ යෂ්ගේ Monster Mind Creations එක්ව නිෂ්පාදනය කරන මෙම චිත්‍රපටයේ සංගීතය ඔස්කාර් සම්මානලාභී සංගීතඥ හෑන්ස් සිමර් සහ ඒ. ආර්. රහුමාන් විසින් නිර්මාණය කර ඇත.

‘රාමායණ’ චිත්‍රපටය කොටස් දෙකකින් නිකුත් කිරීමට නියමිත අතර, පළමු කොටස නොවැම්බර් 6 වන දිනත්, දෙවන කොටස 2027 දීපාවලි සමයේත් තිරගත කිරීමට සැලසුම් කර තිබේ.

සීතා සහ කෛකේයීගේ ඇඳුම් ගැන මතුවූ කතාබහට - ‘රාමායණ’ නිර්මාණකරුවන්ගෙන් ප්‍රතිචාර

රස නහර පිනා යන අත්දැකීමක් විඳගන්න ඔබත් Reecha Food Festival මහා ආහාර සැණකෙළියට එන්න...