කාන්තාවක් අභිරහස් ලෙස පිළිස්සි මියයයි.. බිහිසුණු කතාව (PHOTOS)

පුත්තලම අනුරාධපුර පාරේ නිවසක තිබී පිළිස්සුම් තුවාල සහිතව කාන්තා මළ සිරුරක් අද සොයාගත් බව පුත්තලම පොලිසිය පවසයි. මියගොස් ඇත්තේ පුත්තලම අනුරාධපුර පාරේ පදිංචිව සිටි 36 හැවිරිදි නයිනා මරික්කාර් නුස්රත් ජහාන් නමැති අයෙකි.

මෙම කාන්තාව සහ ඇයගේ දෙවන සැමියා දින කිහිපයක සිට රණ්ඩුවකට පැමිණ ඇති අතර ඊයේ රාත්‍රියේ ඔවුන් දෙදෙනා අතර බහින් බස්වීමක් සිදුව ඇති බවයි පොලිසිය පවසන්නේ. අදාළ කාන්තාවගේ දෙවැනි සැමියා පුත්තලම පොලිසියට භාරවී ඇත. පොලිසිය සහ අධිකරණ වෛද්‍ය පොලිසිය එම ප්‍රදේශයට ගොස් පරීක්‍ෂණ පවත්වන බව කීවේය.

නිවසේ තිබී ලේ පැල්ලම් ද සොයාගත් බවයි පොලිසිය පැවසුවේ. මෙම කාන්තාව ඇගේ දෙවැනි සැමියා විසින් ඝාතනය කරන්නට ඇතැයි පොලිසිය සැක කරයි. පුත්තලම පොලිසිය වැඩිදුර පරීක්ෂණ පවත්වයි.