පේරාදෙණි සරසවි සිසුන් ගැන අලුතෙන්ම හෙළිවූ දේ..
Sewvandhi
පේරාදෙණිය විශ්වවිද්‍යාලයේ ස්ථාපිත නව මනෝ උපදේශන සේවා ඒකකයෙන් ප්‍රතිකාර ලබාගැනීම සඳහා යොමුවන සිසුන්ගේ සංඛ්‍යාව සැළකිය යුතු මට්ටමින් ඉහළගොස් තිබේ.
වැඩිදුරටත් වාර්තා වන්නේ මාස තුනකට ආසන්න කාලයක් තුළ සිසුන් 200 ඉක්මවූ සංඛ්‍යාවක් එම ඒකකයෙන් මානසික උපදේශන සේවා ලබාගෙන ඇති බවය.
ඉන් සිසු සිසුවියන්ගෙන් යම් පිරිසක් හදිසි මානසික ප්‍රතිකාර ලබාගත යුතු මට්ටමක සිටින අතර ඔවුන් ප්‍රතිකාර සදහා පේරාදේණිය ශික්ෂණ රෝහලට යොමුකර තිබේ.
පේරාදෙණිය විශ්වවිද්‍යාලයේ නියෝජ්‍ය උපකුලපති මහාචාර්ය ටෙරන්ස් මධුජිත් මහතා ප්‍රකාශ කළේ පවතින ආර්ථික අර්බුද, අධ්‍යාපනික ගැටලු ඇතුළු කරුණු රාශියක් හේතුවෙන් සිසුන් පීඩාකාරි මානසික තත්වයන්ට ගොදුරු වීමේ තත්වයක් මෙමඟින් නිරික්ෂණය වී ඇති බවය.
මේ අතර එම විශ්වවිද්‍යාලයේ සම සෞඛ්‍ය විද්‍යා පීඨයේ පළමු වසරේ ඉගෙනුම ලබන සිසුවෙකුට සමාජ මාධ්‍ය ඔස්සේ ඇමතුම් සහ අසභ්‍ය විඩියෝ හුවමාරු කරමින් සිදුකර ඇතැයි පැවසෙන නවක වද සිද්ධිය සම්බන්ධයෙන් වූ පරීක්ෂණයන් කඩිනමින් සිදුකරන බවද මහාචාර්යය ටෙරන්ස් මධුජිත් මහතා වැඩිදුරටත් සදහන් කළේය.
සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන whatsApp,වෙත පිවිසෙන්න.... |
