T20 ලෝක කුසලාන පළමු වටයේ ශ්‍රී ලංකාව තරග වදින අවසන් තරගය අද

විස්සයි20 ලෝක කුසලාන ක්‍රිකට් තරගාවලියේ පළමු වටයේ ශ්‍රී ලංකා කණ්ඩායම සහභාගී වන අවසන් තරගය අද (19) දින පැවැත්වීමට නියමිතව ඇත.

සිම්බාබ්වේ කණ්ඩායම සමඟ ආර්.ප්‍රේමදාස ක්‍රීඩාගණයේ පැවැත්වෙන තරගය අද පස්වරු 3.00ට ආරම්භ කිරීමට කටයුතු සූදානම් කර තිබේ.

මේ වන විටත් කණ්ඩායම් දෙකම ලෝක කුසලාන තරගාවලියේ සුපිරි 8 දෙනාගේ වටයට සුදුසුකම් ලබා ඇත.

 අද තරගයේ දී ශ්‍රී ලංකා කණ්ඩායමේ වෙනස්කම් කිහිපයක් සිදුවනු ඇති බව ක්‍රිකට් ආරංචි මාර්ග සඳහන් කර තිබේ ඒ වගේම තරගාවලිය තුළදී ආබාධයට ලක් වූ වේග පන්දු යවන ක්‍රීඩක මතීෂ පතිරණ වෙනුවට ඩිල්ෂාන් මදුෂංක කණ්ඩායමට ඇතුළත් කර තිබෙන බව වාර්තා වේ.

සුපිරි අට වටයට යන ක්‍රීඩකයා කවුද? දිනන උණුසුම මැද තේරීම් කමිටුවත් අසරණ වෙයි

තවද වේග පන්දු යවන ක්‍රීඩක දුෂ්මන්ත චමීර අද තරගයේ දී විවේක ගැන්වෙනු ඇති බව ද සදහන්ය.

ඒ අනුව සුපිරි අටදෙනාගේ වටයේ ශ්‍රී ලංකා කණ්ඩායම සහභාගී වන පළමු තරගය ලබන 22 වන දින පල්ලේකැලේ ක්‍රිඩාංගණයේදී එංගලන්ත කණ්ඩායම සමග පැවැත්වීමට නියමිතව ඇත.

අමරකීර්ති ඝාතන සිද්ධියේ එල්ලුම් ගස නියම වූවන්ට සමාව දෙන්න ෆොන්සේකාගෙන් ඉල්ලීමක්