පාසල් සිසුන්ට විශේෂ නිවේදනයක්

ශ්‍රී ලංකා ගමනා ගමන මණ්ඩලයේ සභාපති සජීව නන්දන කනකරත්න මහතා නිවේදනය කර ඇත්තේ ආපදාවට ලක්වූ ප්‍රදේශවල පාසල් සිසුන්ට ශ්‍රී ලංගම බස්රථ මගින් ප්‍රවාහන පහසුකම් ලබාදීමේදී නොවැම්බර් මාසයේ සීසන් කාඩ් පත සහ පාසල් නිල ඇඳුම අනිවාර්ය නොවන බවත් ඔවුන් සැරසී සිටින ඇඳුමෙන් පාසල් යනවා නම් පෙර පරිදි ඔවුන්ට ප්‍රවාහන පහසුකම් ලබා දෙන ලෙසට ආපදාවට ලක් වූ ප්‍රදේශවල සියලුම බස් ඩිපෝවලට උපදෙස් ලබා දී ඇති බවයි.

අද පාසල් යන හැමෝටම විශේෂ දැනුවත්කිරීමක් - ආයෙත් නිවාඩු ගොඩක්

සභාපතිවරයා වැඩිදුරටත් සදහන් කලේ ආපදාවලට ලක්වූ ප්‍රදේශවල පාසල් සිසුන්ගෙන් සැළකිය යුතු ප්‍රමාණයකට නිවාස අහිමි වී තිබෙන අතර ඔවුන්ගේ නිල ඇඳුම්, සීසන් කාඩ් පත් සොයාගැනීමට නොහැකි වී තිබෙන බවට තොරතුරු වාර්තා වන නිසා මෙම තීරණය ගත් බවයි.

ඒ අනුව ඔවුන්ට පාසල් යාමට සහ පාසල් අවසන් වී යළි නිවෙස් කරා පැමිණීමට අවශ්‍ය ප්‍රවාහන පහසුකම් ශ්‍රී ලංගම බස් රථ මගින් ලබාදීමට කටයුතු කරන බවද ඔහු පවසා ඇත.

දෙපාර්තුමේන්තුවේ උප්පැන්න හා විවාහ සහතික වතුරේ ගිහින් - සේරම විනාසයි

ආපදාවට ලක් වූ ප්‍රදේශවල පාසල් සිසුන්ට දෙසැම්බර් මාසය සඳහා සීසන් කාඩ් පත් නිකුත් නොකළද ආපදාවට ලක් නොවූ ප්‍රදේශවල සියලුම පාසැල් සිසුන්ට අදාල දිනයේදී දෙසැම්බර් මාසයට සඳහා සීසන් කාඩ් පත් නිකුත් කර ඇති බවද ශ්‍රී ලංගම සභාපතිවරයා වැඩිදුරටත් ප්‍රකාශ කර ඇත.