ට්‍රැක්ටර් රථ අනතුරින් 21ක් රෝහලේ

ධාවනය වෙමින් තිබු ට්‍රැක්ටර් රථයක ටේලරය ගැල වී ගොස් ප්‍රධාන මාර්ගය හරහා පෙරළී යෑමෙන් එහි ගමන් ගත් වතු සේවිකාවන් 21දෙනෙක් තුවාල ලබා තිබේ.

තුවාල ලැබු පිරිස නුවර එළිය මහ රෝහල වෙත ඇතුළත් කර ඇති අතර ඉන් සිව්දෙනෙකුගේ තත්ත්වය බරපතළ බව රාගල පොලීසිය පවසයි.

අද (21) උදෑසන 8ට පමණ රාගල, උඩුපුස්සැල්ලාව ප්‍රධාන මාර්ගයේ රාගල මැදවත්ත ප්‍රදේශයේ දී එම අනතුර සිදුව තිබේ.

රාගල ප්‍රදේශයේ වතු යායක තේ දළු කැඩීම සඳහා යමින් සිටි වතු සේවිකාවන් පිරිසක් එලෙස අනතුරට ලක්ව ඇත.

අනතුර සම්බන්ධයෙන් ට්‍රැක්ටර් රථයේ රියදුරු මේ වන විට අත්අඩංගුවට ගෙන ඇති අතර, නුවර එළිය මහෙස්ත්‍රාත් අධිකරණය වෙත ඔහු ව ඉදිරිපත් කිරීමට නියමිතය.

You May Like This Video