විශ්‍රාමික අද්මිරාල් කාංචන බාගොඩ ගුවන් සේවා සභාපති ධුරයට

ශ්‍රී ලංකා නාවික හමුදාවේ හිටපු නාවික හමුදාපති විශ්‍රාමික අද්මිරාල් කාංචන බාගොඩ මහතා ගුවන් තොටුපළ සහ ගුවන් සේවා පුද්ගලික සමාගමේ නව සභාපතිවරයා ලෙස පත් කර තිබේ.

ඔහු 2026 සැප්තැම්බර් මස 1 වැනිදා සිය නව ධුරයේ වැඩ භාර ගැනීමට නියමිතය.

විශ්‍රාමික අද්මිරාල් කාංචන බාගොඩ මහතා ශ්‍රී ලංකා නාවික හමුදාවේ 26 වැනි නාවික හමුදාපතිවරයා ලෙස කටයුතු කර විශ්‍රාම ලැබූ ජ්‍යෙෂ්ඨ ත්‍රිවිධ හමුදා නිලධාරියෙකි.

දශක තුනකට අධික කාලයක් ශ්‍රී ලංකා නාවික හමුදාවට මෙන්ම රටටද විශිෂ්ට හා කැපී පෙනෙන සේවයක් ඉටු කළ නිලධාරියෙකු ලෙස ඔහු සැලකේ.

 නව පත්වීමත් සමඟ ගුවන් තොටුපළ සහ ගුවන් සේවා ක්ෂේත්‍රයේ ඉදිරි කටයුතු සඳහා ඔහුගේ පළපුරුද්ද සහ නායකත්වය යොදා ගැනීමට අපේක්ෂා කෙරේ.

ශ්‍රී ලංකාව වටා මුහුද රත්වෙයි - ඉදිරි මාස 8 තීරණාත්මකයි

ලංකාවේ රන් මිල ඉහලට - ලොකු ගාණකින් වැඩිවුණ රත්තරන් මෙන්න