මෝටර් රථයකින් හමුවූ භෞත චිකිත්සකවරියගේ මරණය ගැන තවත් තොරතුරු එළියට - පෙම්වතා අතුරුදන්

තෙල්දෙණිය මූලික රෝහලේ රථගාලේ සැකකටයුතු ලෙස නවතා තිබූ මෝටර් රථයක් තුළ තිබී අභිරහස් අන්දමින් හමුවූ භෞත චිකිත්සකවරියකගේ මළ සිරුර සම්බන්ධයෙන් වන පශ්චාත් මරණ පරීක්ෂණ කටයුතු අද දින සිදු කිරීමට නියමිත වේ.

සිද්ධිය සම්බන්ධයෙන් තෙල්දෙණිය පොලීසිය විසින් සිදුකරන ලද මූලික විමර්ශනවලදී අනාවරණය වී ඇත්තේ මියගිය කාන්තාවගේ ගෙල ප්‍රදේශයේ කැපුම් හෝ තුවාල සලකුණු කිහිපයක් පැහැදිලිවම දක්නට ලැබෙන බවයි.

ගෝඨාභයගේ පෙත්සම් විභාගය ඇරඹේ

මෙම බරපතළ මරණය සම්බන්ධයෙන් සෘජුවම චෝදනා එල්ලවී සිටින ඇගේ පෙම්වතා බවට සැක කෙරෙන පුද්ගලයා ප්‍රදේශයෙන් පලාගොස් ඇති අතර ඔහු පිළිබඳව මෙතෙක් කිසිදු නිශ්චිත තොරතුරක් වාර්තා වී නොමැත.

තෙල්දෙණිය මූලික රෝහල් පරිශ්‍රයේ රථගාලේ තිබූ මෝටර් රථයක් තුළ මෙලෙස අවාසනාවන්ත ලෙස මියගොස් සිටියේ මීට පෙර අම්පාර මහ රෝහලේ නිල වශයෙන් සේවය කර පසුව ඉන් ඉවත් වූ දක්ෂ භෞතචිකිත්සකවරියකි.

කල්පිටියේදී උණුසුම් තත්ත්වයක් - පොලීසිය හා ගුවන් හමුදා සෙබළුන් අතර ගැටුමක්

ඇගේ මළ සිරුර ඊයේ පස්වරුවේදී පොලීසිය විසින් සොයාගනු ලැබීය. මෙලෙස අභිරහස් ලෙස මියගොස් තිබුණේ වැලිගම, කුරුඳු කොරටුව, පලල්ල ප්‍රදේශයේ ස්ථීරව පදිංචිව සිටි 34 හැවිරිදි වියේ පසුවූ කාන්තාවකි.

පොලිස් බුද්ධි අංශ විමර්ශනවලදී වැඩිදුරටත් අනාවරණය වී ඇත්තේ මෙම කාන්තාව සිය පෙම්වතා බව කියන සැකකටයුතු පුද්ගලයා සමඟ පසුගිය 3 වැනිදා සිට 16 වනදා දක්වා දීර්ඝ කාලයක් නුවරඑළිය ප්‍රදේශයේ පිහිටි සංචාරක නවාතැන්පොළක ලැගුම්ගෙන සිට ඇති බවයි.

පසුව එහිදී ඇතිවූ කිසියම් ආරවුලක් මත මෙම පෙම්වතා විසින් අදාළ කාන්තාව ඝාතනය කර ඇගේ මළ සිරුර එදිනම රාත්‍රී කාලයේදී මෝටර් රථයක දමාගෙන ඊයේ උදෑසන තෙල්දෙණිය ප්‍රදේශයට රැගෙනවිත් ඇති අතර ඊට අදාළ සියලුම සීසීටීවී දර්ශන ද පොලිස් නිලධාරීන් වෙත මේ වනවිට නිල වශයෙන් ලැබී තිබේ.

කෙසේ වෙතත් මෙම අභිරහස් මරණය සම්බන්ධයෙන් පොලීසිය වෙත දුරකථනයෙන් මුලින්ම තොරතුරු සපයා දැනුවත් කර තිබුණේ ද මියගිය කාන්තාව සමඟ නුවරඑළියට පැමිණි පෙම්වතා බව කියන මෙම සැකකරු විසින්ම බව ද වත්මන් විමර්ශනවලදී වැඩිදුරටත් අනාවරණය වී ඇත.