NPP එකයි යහපාලනයයි කළේම අපිට චෝදනා කරපු එකනේ ඉතින් අයිස් කන්ටේනර් එකටත් මුහුණ දෙන්නම් - නාමල්

ශ්‍රී ලංකා පොදුජන පෙරමුණ පාර්ලිමේන්තු මන්ත්‍රී නාමල් රාජපක්ෂ මහතා විසින් “අයිස්” නිෂ්පාදනයට යැයි කියන අමුද්‍රව්‍ය සහිත කන්ටේනර් දෙකක් ආරක්ෂක අංශ මඟින් හඳුනා ගැනීමෙන් පසු එල්ල වන චෝදනා දැඩි ලෙස හෙළා දකින බවට ප්‍රකාශ කර ඇත.

ඔහු මේ බව සඳහන් කළේ මාධ්‍යවේදීන් නැඟූ ප්‍රශ්නවලට පිළිතුරු වශයෙන්.

ආණ්ඩුවේ උද්ධච්ච මානසිකත්වයකින් 72 ලක්ෂයක ජනතාව අඳුරේ තබන්න එපා

එසේම පාර්ලිමේන්තු මන්ත්‍රී නාමල් රාජපක්ෂ මහතා කියා සිටියේ මෙම චෝදනා පිටුපස ඇති හේතු සහ ඒවායින් ලාභ ලබන පාර්ශ්වයන්, මෙම චෝදනා අසත්‍ය බව ඔප්පු වන තුරු රටට හෙළිදරව් කරන බවයි.

එසේම ඔහු තවදුරටත් අදහස් දක්වමින් සඳහන් කළේ,

“අප මෙම කන්ටේනර් දෙක සම්බන්ධයෙන් එල්ල වන චෝදනාවලට මුහුණ දීමට සූදානම්. NPP සහ යහපාලන ආණ්ඩුව බලයට පත් වූ දා සිට, ඔවුන් කළේ අපට චෝදනා කිරීම පමණයි. අපව අපරාධ පරීක්ෂණ දෙපාර්තමේන්තුවට, අල්ලස් කොමිසමට, මුල්‍ය අපරාධ විමර්ශන කොට්ඨාසයට සහ අධිකරණයට කැඳවා තිබෙනවා. ඒ හා සමානව, මෙම මත්ද්‍රව්‍ය කන්ටේනර් සම්බන්ධ චෝදනා පිළිබඳ ඕනෑම විමර්ශනයකට මුහුණ දීමට අප සූදානම්,” යනුවෙන්.

මේ අතර මෙම කන්ටේනර් සිදුවීමට සැබවින්ම සම්බන්ධ පුද්ගලයන්ගේ අනන්‍යතාවය රජය මඟින් අනාවරණය කළ යුතු බවද නාමල් රාජපක්ෂ මහතා මෙහිදී අවධාරණය කර තිබෙනවා.

"මාව බලන්න මිනිස්සු එනවට මම සංවිධානය කරන්නේ නැහැ" - මෛත්‍රී මහින්දට කින්ඩිය දාපු හැටි

අද මේ ලග්නවලට සතුට දෝරේ ගලලා ඉහළටම යනවා විතරක් නෙවෙයි මේ පැත්තෙනුත් සුබයි