මහින්ද විශේෂ කණ්ඩායමක් දාලා ගෙයක් හොයනවලු,ඒ ගේ මේ වගේ වෙන්නත් ඕනිලු

හිටපු ජනපති මහින්ද රාජපක්ෂ මහතා නැවත ගම බලා පිටත්වූ අතර ඔහුගේ නිල නිවස රජයට බාර දීම සිදුවිය. ඒ අනුව හිටපු ජනපති මහින්ද රාජපක්ෂ මහතාට පදිංචි වීමට කොළඹ ස්ථාන හතරක් බලා ඇතත් තවම සුදුසු නිවසක් හමුවී නැති බවට වාර්තා වෙයි.

විශේෂ කණ්ඩායමක් විසින් නිවාස සොයා බැලීම මේ දිනවල කරගෙන යනු ලැබේ. මේ සම්බන්ධයෙන් අප ශ්‍රී ලංකා පොදුජන පෙරමුණේ ලේකම් නීතිඥ සාගර කාරියවසම් මහතාගෙන් කළ විමසුමකදී ඔහු පැවසුවේ තානාපතිවරුන් ඇතුළු විශේෂ ප්‍රභූවරුන් හමුවීමට පැමිණෙන හෙයින් සුදුසු පරිසරයක් තෝරා ගැනීමට සිදුව ඇති බවයි.

අද උදෑසන දක්ෂිණ අධිවේගයේ සිදුවූ මාරක අනතුර ගැන ඇහෙන හද කම්පා කරන කතා රැසක්

ප්‍රමාණවත් සහ ගැලපෙන මාර්ග පහසුකම් සහිත ප්‍රදේශයක නිවසක් තෝරා ගැනීම අපේක්ෂාව බවද ඔහු සඳහන් කළේය. හිටපු ජනාධිපතිවරයාට ගැළපෙන සුදුසු නිවසක් නුදුරේදීම සොයා ගැනීමට අපේක්ෂා කරන බව සාගර කාරියවසම් මහතා වැඩිදුරටත් පැවසීය.

හිටපු ජනාධිපතිවරුන්ගේ හිමිකම් අහෝසි කිරීමේ පනත් කෙටුම්පත සම්මත වීමෙන් හිටපු ජනාධිපති මහින්ද රාජපක්ෂ මහතා කොළඹ විජේරාම මාවතේ රජයේ නිල නිවසින් ඉවත්ව තංගල්ලේ කාල්ටන් නිවසට ගියේය. ඔහු තවමත් සිටින්නේ කාල්ටන් නිවසේය.

රජය ඉස්සරහට කරන්න ඉන්නේ මෙහෙමයි මෙන්න ප්ලෑන් එක

දියතලාවේ දරුණු ගින්නක්