''අභි­යෝග ජය­ගෙන යළි ශක්ති­මත්ව නැ‍ඟීසි­ටීමට අදි­ටන් කර­ගත යුතුයි'' අස්ගිරි පාර්ශ්වයේ මහා­නා­යක අති­පූජ්‍ය වර­කා­ගොඩ ශ්‍රී ඤාණ­ර­තන මහ නාහි­මි

මෙරටට බලපෑ ස්වාභා­වික ආපදා තත්ත්වය හේතු­වෙන් අපේක්ෂා නොකළ ආකා­රයේ මහා විනා­ශ­යක් පසු­ගිය වස­රේදී රටේ සිදුවූ බවත් අභි­යෝග ජය­ගෙන නව වස­රේදී යළි ශක්ති­මත්ව නැ‍ඟීසි­ටීම සඳහා ජාති, ආගම් පක්ෂ භේද­යෙන් තොරව සියලු දෙනා එකතු විය යුතුව තිබෙන බවත් අස්ගිරි පාර්ශ්වයේ මහා­නා­යක අති­පූජ්‍ය වර­කා­ගොඩ ශ්‍රී ඤාණ­ර­තන මහ නාහි­මියෝ පව­සති.

තවද උන්වහන්සේ සදහන් කරන්නේ මිනිසා විසින් පරි­ස­ර­යට කරනු ලබන අය­හ­පත් බල­පෑමේ ප්‍රති­ඵල ලෙස ස්වාභා­වික ව්‍යස­නයේ බල­පෑම දෙගුණ තෙගුණ වී අත්වි­ඳි­න්නට අපට සිදුවූ බවයි .

ඒ වගේම එය පාඩ­මක් කර ගනි­මින් දැන් හෝ පරි­ස­රය රැක ගැනීම සඳහා වැඩි අව­ධා­න­යක් යොමු කළ යුතුව තිබෙන බවත් උන්ව­හන්සේ කීහ.

උදාවූ 2026 නව වසරට ජනපතිගෙන් රටටම පණිවුඩයක්

නව වසර වෙනු­වෙන් සුභා­සිං­සන එක් කර­මින් උන්ව­හන්සේ මෙවන් අදහසක් දක්වා තිබේ.

පසු­ගිය වසර අව­සා­නයේ දී අපේක්ෂා නොකළ ආකා­රයේ දුක්ඛ දායක සිදු­වී­ම්ව­ලට මුහුණ දීමට රටවැසි­යන්ට සිදු­වුණා. ජීවිත මෙන්ම දේපොළ අහිමි වීමෙන් විශාල පිරි­සක් පීඩා­වට පත් වුණා. දුකට පත්වූ පිරිස වෙනු­වෙන් සහ­නා­ධාර ලබා දෙමින් අපේ ජන­තාව තමන් තුළ පවත්නා ආද­රය, කරු­ණාව, දයාව වැනි උතුම් ගුණාංග පෙන්නුම් කළා. නව වසරේ දී රටක් ලෙස අප නැ‍ඟීසි­ටී­මට නම් භේද සියල්ල පැත්ත­කින් තබා එක්විය යුතුයි.

2026 නව වසර‍ට රට වෙනුවෙන් අගමැතිගේ ප්‍රාර්ථනය