කොල්කටා ගුවන්තොටුපළ සෙලවූ හදිසි තර්ජනය- එයාර් ඉන්දියා ගුවන් යානයක් පැහැරගැනීමේ අනතුරක

ඉන්දියාවේ කොල්කටා නුවර නේතාජි සුභාෂ් චන්ද්‍ර බෝස් ජාත්‍යන්තර ගුවන්තොටුපළේදී බදාදා උදෑසන මුම්බායි බලා පිටත්වීමට නියමිතව තිබූ එයාර් ඉන්දියා ගුවන් යානයකට පැහැරගැනීමේ තර්ජනයක් එල්ල වී ඇති බවට තොරතුරු අනාවරණය වීමත් සමඟ ගුවන්තොටුපළේ ආරක්ෂක අංශ දැඩි අවධානයෙන් කටයුතු කර තිබේ.

ගුවන් යානයේ වැසිකිළියක කැඩපත මත පැහැරගැනීමක් සම්බන්ධ තර්ජනාත්මක පණිවිඩයක් ලියා තිබීම මෙම සිද්ධියට හේතු වී ඇතැයි වාර්තා වේ.

ගුවන් යානය ගුවන්ගත කිරීම සඳහා සූදානම් වෙමින් තිබියදී මෙම පණිවිඩය හඳුනාගෙන ඇති අතර, ඒ පිළිබඳව දැනගත් වහාම නියමුවා ගුවන් ගමනාගමන පාලන මධ්‍යස්ථානය (ATC) දැනුවත් කර තිබේ. සිද්ධිය සම්බන්ධයෙන් වහාම ක්‍රියාත්මක වූ බලධාරීන් ගුවන් යානය හුදකලා ස්ථානයකට රැගෙන යාමට පියවර ගෙන ඇත.

අනතුරුව මධ්‍යම කාර්මික ආරක්ෂක බලකායේ (CISF) නිලධාරීන් සහ ගුවන්තොටුපළේ විශේෂ ආරක්ෂක කණ්ඩායම් එක්ව ගුවන් යානය පුරා විශේෂ සෝදිසි මෙහෙයුමක් ආරම්භ කර තිබේ. එහිදී ගුවන් යානයේ සියලුම අංශ පරීක්ෂාවට ලක් කරමින් සැකකටයුතු හෝ අනතුරුදායක ද්‍රව්‍ය පවතින්නේද යන්න පිළිබඳව සොයා බැලීමට ආරක්ෂක නිලධාරීන් කටයුතු කර ඇත.

මේ අතර, අදාළ තර්ජනාත්මක පණිවිඩය ලියා තැබූ පුද්ගලයා හඳුනා ගැනීම සහ සිද්ධිය පිටුපස වෙනත් පාර්ශ්වයක් සිටීද යන්න අනාවරණය කර ගැනීම සඳහා පොලිසිය සහ ආරක්ෂක අංශ ඒකාබද්ධ විමර්ශනයක් ආරම්භ කර තිබේ.

ඒ අනුව, සිද්ධියට අදාළ තොරතුරු සොයා ගැනීම සඳහා ගුවන්තොටුපළ පරිශ්‍රයේ සහ ගුවන් යානය තුළ සවිකර ඇති CCTV ආරක්ෂක කැමරා දර්ශන ද බලධාරීන්ගේ පරීක්ෂාවට ලක්වෙමින් පවතින බව වාර්තා වේ.

මව් පදවියට සූදානම් වූ සුන්දර ‘නයෝමිචාන්’ගේ අකල් වියෝව- සමාජ මාධ්‍ය කැළඹූ පුවත- මරණයට හේතුව අධි රුධිර වහනයක්ද?