ජය ශ්‍රී ඩයමන්ඩ් ප්ලේස් ගිහින් කරපු අමුතු වැඩේ. - රුවිතේ එක්ක මොකක්ද මේ කරන්න යන්නේ? (VIDEO)
Wayomi
ලංකාවේ සංගීත ක්ෂේත්‍රයේ දැවැන්ත වෙනසක් කරපු කණ්ඩායමක් විදියට ජය ශ්‍රී ප්‍රකටයි.
දිගු කාලෙක නිහැඬියාවකින් පස්සේ මේ අයියා මලෝ අළුත් වෙනසකට මුල පුරලා තියෙනවා.
ඉතින් තවමත් හරිහැටි හෙළිදරව් නොකරපු මේ කටයුත්තට දියමන්ති වල සම්බන්ධයකුත් තියෙන කියලයි ජය ශ්‍රී පසුගියදා අනාවරණය කළේ. .
‘ලංකාවේ ලස්සනම තැන්, ඩයමන්ඩ් ප්ලේස් වලට ගිහිල්ලා, ගොඩක් මහන්සි වෙලා, ලස්සන වැඩක් කළා’ කියලයි මේ ගැන ජය ශ්‍රී රෝහිත කියන්නේ.
ජය ශ්‍රී ලා කියන මේ අලුත් ව්‍යාපෘතිය සිංදුවක් ද දැවැන්ත ප්‍රසංග මාලාවක් ද ක්‍රීඩා‍වක් ද නැතිනම් දියමන්ති ව්‍යාපාරයක් ද කියන එක ගැන නම් පැහැදිලි හෙළිදරව්වක් තවමත් කරලා නැහැ.
ඒ, කොහොමවුණත්, ජය ශ්‍රී දියත් කරලා තියෙන මේ අලුත්ම කටයුත්තට "රුවිතයක" සම්බන්ධයක් තියෙන බවත් හෙළිදරව් කරනවා.
මේ ගැන ජය ශ්‍රී රොහාන් කියන්නේ, ‘බඩු සැරයි - සැප ගොඩ’ යි කියලා.
‘රුවිතේ ළඟදීම එයි. හොඳ කල්පනාවෙන් ඉන්න’ කියන රෝහිත නම් කියන්නේ මේක වෙනස්ම විදියේ අත්දැකීමක් ලංකාවේ ජනතාවට අත්කරලා දේවි කියලයි.
මේ ඩයමන්ඩ් වැඩේට ජය ශ්‍රී ලා එක්ක දැවැන්ත පිරිසකුත් එක්වෙලා ඉන්නවා. යාපනය වගේම ලංකාවේ ආකර්ශණීය තැන් ගණනාවක දී මේ ව්‍යාපෘතියට අදාළ කටයුතු කෙරුණු බවත් මේ ගැන අදහස් දක්වන ජය ශ්‍රී අයියා මලෝ කියනවා.
ඉතින් මේ රුවිතේ එනකල් බලන් ඉන්න කියලා හැමෝටම ආරාධනා කරනවා.
