ජපන් වෛද්‍ය කණ්ඩායම මානුෂීය මෙහෙයුම අවසන් කර ලංකාවෙන් පිට වෙයි

මෑතකදී රටේ ඇති වූ ගංවතුර හා ආපදා තත්ත්වයෙන් පීඩාවට පත් ප්‍රජාවන්ට හදිසි සෞඛ්‍ය සේවා සැපයීමේ මානුෂීය මෙහෙයුමක් සාර්ථකව අවසන් කිරීමෙන් පසු, ජපාන ආපදා සහන (JDR) වෛද්‍ය කණ්ඩායමේ සාමාජිකයන් 31 දෙනෙකු ඊයේ(15) ශ්‍රී ලංකාවෙන් පිටත්ව ගොස් ඇත.

දෙසැම්බර් 03 වැනිදා ශ්‍රී ලංකාවට පැමිණි මෙම කණ්ඩායම, හලාවත පොලිස් ක්‍රීඩාංගණයේ පිහිටුවා ඇති තාවකාලික ක්ෂේත්‍ර රෝහලක සති දෙකකට ආසන්න කාලයක් සේවයේ යෙදී සිටියහ. ඔවුන් හලාවත සහ අවට ප්‍රදේශවල පදිංචිකරුවන්ට උපදේශන, රසායනාගාර පරීක්ෂණ, ඖෂධ සැපයුම් සහ අනෙකුත් සායනික ප්‍රතිකාර ඇතුළු සෞඛ්‍ය සේවා ලබා දුන්හ.

2025 තෙවන පාසල් වාරයේ වාර පරීක්ෂණ ගැන නැවත දැනුම්දීමක්

සෞඛ්‍ය ලේකම් වෛද්‍ය අනිල් ජාසිංහ මහතා සඳුදා උදෑසන සෞඛ්‍ය හා ජනමාධ්‍ය අමාත්‍යාංශයේදී කණ්ඩායම හමුවී ඔවුන්ගේ අග්‍රගණ්‍ය සේවයට ස්තූතිය පුද කළේය. හදිසි වෛද්‍ය ප්‍රතිචාරයේ සාර්ථකත්වයට ජපන් කණ්ඩායමේ නායකත්වය සහ සහයෝගය සැලකිය යුතු ලෙස දායක වූ බව අමාත්‍යාංශය නිවේදනයක් නිකුත් කරමින් සඳහන් කළේය.

ජපන් ආපදා සහන වෛද්‍ය කණ්ඩායමේ ප්‍රධානී ඉවාස් කිචිරෝ මහතා, ශ්‍රී ලංකා රජයට සහ සෞඛ්‍ය බලධාරීන්ට දැක්වූ සහයෝගයට ස්තූති කරමින්, මෙම මෙහෙයුම දිගුකාලීන ජපාන-ශ්‍රී ලංකා මිත්‍රත්වයේ තවත් සන්ධිස්ථානයක් ලෙස හැඳින්වීය.

දිනත් එක්කම සුබ ආරංචියක් - ඊළඟ අවුරුද්දේ විශ්‍රාම වැටුප් ගෙවන දවස් මෙන්න

වෛද්‍යවරුන්, හෙදියන්, ඖෂධවේදීන්, රසායනාගාර විශේෂඥයින්, විකිරණවේදීන්, සහන සේවකයින් සහ සම්බන්ධීකාරකවරුන් ඇතුළු සාමාජිකයන් 31 දෙනෙකුගෙන් සමන්විත මෙම කණ්ඩායම, ජාත්‍යන්තර ආපදා ප්‍රතිචාර ප්‍රමිතීන්ට අනුකූලව සේවා සැපයීය. කණ්ඩායමේ රැඳී සිටි කාලය තුළ සෞඛ්‍ය අමාත්‍යාංශය විසින් ක්ෂේත්‍ර රෝහලේ විශේෂ නිරීක්ෂණද සිදු කෙරිණි.

ගංවතුරෙන් පීඩාවට පත් දහස් ගණනක් පුද්ගලයන්ට මෙම මෙහෙයුමෙන් සෞඛ්‍ය ආධාර ලැබුණු බව අවධාරණය කරමින්, කඩිනම් හදිසි ප්‍රතිකාර සැපයීමට ජපන් කණ්ඩායම දැක්වූ දායකත්වයට ශ්‍රී ලංකා නිලධාරීහු කෘතඥතාව පළ කළහ. 

අද රත්තරන් මිල ගණන් මෙන්න - රත්තරන් සිහිනය බිඳ වැටෙන ලකුණු

දියුණුවේ දොරගුලු විවර වන අද දවස මේ අයට වස්තු සැප සම්පත් දෝතටම ලැබේ