Power Bank පාවිච්චි කරනවා නම් මේ ගැන සැළකිලිමත් වෙන්න

වර්තමානයේ ස්මාර්ට් ජංගම දුරකථනය අපගේ දෛනික ජීවිතයේ අනිවාර්ය අංගයක් වී ඇත.

ඇමතුම් ලබා ගැනීම, පණිවිඩ හුවමාරු කර ගැනීම මෙන්ම අන්තර්ජාල මුදල් ගනුදෙනු වැනි බොහෝ අත්‍යවශ්‍ය කාර්යයන් මේ හරහා සිදුවන හෙයින් හදිසි බැටරි ක්ෂය වීම විශාල ගැටලුවක් ලෙස දකී.

ඒ අනුව මෙම ගැටලුවට කදිම පිළියමක් වශයෙන් බොහෝ දෙනා පවර් බැංකු (Power Bank) භාවිතයට යොමු වී සිටියද, වෙළඳපොළෙන් පවර් බැංකුවක් මිලදී ගැනීමේදී එහි ධාරිතාවය හෙවත් mAh අගය පමණක් සලකා බැලීම ප්‍රමාණවත් වන්නේ නැත.

ඒ අනුව නිවැරදි ප්‍රමිතියකින් යුත් උපකරණයක් තෝරා ගැනීම ඔබගේ ජංගම දුරකථනයේ ආරක්ෂාවට මෙන්ම එහි කල්පැවැත්මටද තීරණාත්මක සාධකයක් වනු ඇත.

එබැවින් පවර් බැංකුවක් තෝරා ගැනීමේදී එහි වෝල්ටීයතා ප්‍රතිදානය (Voltage Output) ඔබේ දුරකථනයට ගැළපීම ඉතා වැදගත් වේ.

පිස්සු හැදෙයි පවුමක රන් ආභරණයක් රු 20000 කින් ඉහළට - නවතම මිල ගණන් මෙන්න

බොහෝ දුරකථන වෝල්ට් 5කින් ආරෝපණය වන නමුත්, ඇතැම් නවීන ස්මාර්ට් දුරකථන සඳහා ඊට වැඩි වෝල්ටීයතාවක් අවශ්‍ය විය හැක.

එමෙන්ම තෝරා ගන්නා පවර් බැංකුවේ ධාරිතාව (mAh) දුරකථනයේ බැටරි ධාරිතාව මෙන් අවම ලෙස දෙගුණයක් හෝ තෙගුණයක් වීම වඩාත් සුදුසු බව වාර්තා වේ.

නිදසුනක් ලෙස, ඔබේ දුරකථනයේ බැටරිය 4000 mAh නම්, 8000 mAh හෝ 12000 mAh ධාරිතාවක් සහිත පවර් බැංකුවක් තෝරා ගැනීමෙන් වාර කිහිපයක් දුරකථනය ආරෝපණය කර ගැනීමේ හැකියාව ලැබෙන අතර, නිතර පවර් බැංකුව ආරෝපණය කිරීමේ අවශ්‍යතාවයද නොමැත.

එමෙන්ම අඩු මිල ගණන්වලට පමණක් මුල් තැන දී ප්‍රමිතියෙන් තොර බාල වර්ගයේ පවර් බැංකු මිලදී ගැනීම ඉතා භයානක වේ. එවැනි උපකරණ පිපිරී යාමට හෝ ජංගම දුරකථනයට දැඩි හානි සිදු කිරීමට ඉඩ ඇත.

එනිසා කෙටි පරිපථ (Short circuit) සහ අධික විදුලි ධාරාවන්ගෙන් ආරක්ෂා වීමේ පහසුකම් මෙන්ම, බැටරිය සම්පූර්ණයෙන් ආරෝපණය වූ පසු ස්වයංක්‍රීයව විසන්ධි වන (Auto shut-off) තාක්ෂණය සහිත උපාංග තෝරා ගැනීම අවශ්‍ය වේ.

විදුලිබල මණ්ඩලයෙන් ජනතාවට විශේෂ නිවේදනයක්

එමෙන්ම ලිතියම් අයන් (Li-ion) හෝ ලිතියම් පොලිමර් (Li-Po) වැනි උසස් තත්ත්වයේ බැටරි සෛල අඩංගු, ආරක්ෂිත සහතික ලත් නිෂ්පාදන මිලදී ගැනීමෙන් ඔබේ පුද්ගලික ආරක්ෂාවද සහතික කෙරෙන බව සඳහන්.

එමෙන්ම එකවර උපාංග කිහිපයක් ආරෝපණය කිරීමට අවශ්‍ය නම්, USB-A, USB-C හෝ Lightning වැනි විවිධ වර්ගයේ කේබල් සම්බන්ධ කළ හැකි තොටු (Ports) කිහිපයක් සහිත පවර් බැංකුවක් තෝරා ගැනීම නුවණට හුරු වේ.

ඊට අමතරව නිතරම බෑගයක හෝ සාක්කුවක දමාගෙන යන බැවින්, ප්ලාස්ටික් හෝ ඇලුමිනියම් ආවරණයකින් යුත් ශක්තිමත් නිමාවක් සහිත පවර් බැංකුවක් තෝරා ගැනීමද එහි කල්පැවැත්මට හේතු වන බව සිහි තබා ගත යුතුය.

තවද පවර් බැංකුවේ ඉතිරිව ඇති ධාරිතාව බලා ගැනීම සඳහා ඩිජිටල් තිරයක් හෝ LED දර්ශක පහන් ඇති මාදිලි තෝරා ගැනීමෙන්, එය නැවත ආරෝපණය කළ යුතු වේලාව නිවැරදිව දැන ගැනීමට ඔබට පහසු වේ.

පිස්සු හැදෙයි පවුමක රන් ආභරණයක් රු 20000 කින් ඉහළට - නවතම මිල ගණන් මෙන්න

කිලෝමීටර් 120ක් පළල දැවැන්ත සුනාමියක් නාසාවට හසු වෙයි