2029 වනවිට බහුවිධ ප්‍රවාහන මධ්‍යස්ථාන 50ක්

2029 වන විට අවම වශයෙන් බහුවිධ ප්‍රවාහන මධ්‍යස්ථාන 50ක් ස්ථාපිත කිරීමට ප්‍රවාහන අමාත්‍යාංශය සැලසුම් කරන බව අමාත්‍ය බිමල් රත්නායක මහතා පවසයි.

2026 වන විට කොළඹ නගරය තුළ බහුවිධ ප්‍රවාහන මධ්‍යස්ථාන 15ක් ඉදිකිරීමට සැලසුම් සකස් වෙමින් පවතින බව ඔහු සඳහන් කළේය. බස්, දුම්රිය සහ කුලී රථ එකම ස්ථානයකින් ලබා ගත හැකි වන පරිදි මෙම මධ්‍යස්ථාන සැලසුම් කෙරෙන බව අමාත්‍යවරයා පැහැදිලි කළේය.

කොළඹ ඇතුළු තවත් බස් නැවතුම්පොළවල් කිහිපයක් වැඩිදියුණු කිරීමට අමාත්‍යාංශය අපේක්ෂා කරන බව රත්නායක මහතා වැඩිදුරටත් ප්‍රකාශ කළේය. “ප්‍රවාහන ක්ෂේත්‍රය දියුණු නොකළහොත් ජාතියේ සංවර්ධනය අපට සාක්ෂාත් කරගත නොහැකිය,” යනුවෙන් ඔහු අවධාරණය කළේය.

ආණ්ඩුවට තිබ්බ අවසන් ප්‍රශ්නයත් හරී - දැන් ජනතාවට හාල් පොල් අඩු කරන්න

පිටකොටුව මධ්‍යම බස් නැවතුම්පොළේ ප්‍රතිසංස්කරණ උත්සවයේදී ජනාධිපති අනුර කුමාර දිසානායක මහතාගේ ප්‍රධානත්වයෙන් මෙම වැඩසටහන ආරම්භ කරමින් අමාත්‍යවරයා මේ බව පැවසීය.

 ‘පිරිසිදු ශ්‍රී ලංකාව’ ජාතික වැඩසටහන යටතේ මෙම බස් නැවතුම්පොළ ප්‍රතිසංස්කරණය කෙරෙන අතර, එය මාස 08කින් නිම කිරීමට සැලසුම් කර ඇත.

ලංවීමෙන් අපි අයින් කරන් නෑ අකමැති අයට කැමැත්තෙන් අයින් වෙන චාන්ස් දෙනවා - බලශක්තිය ඇමති

රන් මිල දිනෙන් දින ඉහළට - නවතම ගණන් මෙන්න